Poeta fatal, un bot de Twitter que xera poesía en galego

Un bot, en twitter, é un perfil creado para tuitear, de xeito automático, aquilo que o seu programador ordene, segundo diferentes formas xerativas que poden ser textuais, visuais, etc e responde a algoritmos máis ou menos complexos. En Galicia temos un creador de bots, Berto Yáñez, que experimenta con diferentes formatos e é o pai de varias criaturas artificiais en Twitter: por exemplo, a conta @unsaudo, a máis popular, programada para tuitear cada 2 horas un saúdo para un lugar dunha parroquia dun concello, extraído aleatoriamente da base de datos do Nomenclátor da Xunta, onde se atopan todos os topónimos galegos.

Outros bots da súa creación son @galegosilustres, que combina fotos de persoeiros historicos da cultura galega con letras de reggaetón, @postaisgalegas, que elixe unha imaxe aleatoria de Google Street View en Galicia para convertela unha postal que di “Estiven en (nome do sitio) e lembreime de ti”, @paxaroespacial, me amosa un pequeno vídeo co imaxes de satélite de Galicia nas 2 últimas horas ou @10sdememoria, que mostra dez segundos aleatorios sacados do arquivo audiovisual da Televisión de Galicia.

Pero entre eles destacamos @poetafatal, un bot que tuitea cada 4 horas unha estrofa composta de 4 versos endecasílabos en rima consoante, todo con palabras do corpus galego (non das sinxelas) que cobran sentido, ou non, ou certa poética segundo se van mesturando en cada tuit.

Aquí algúns exemplos:

 

 

Radical Karaoke, de Belén Gache, un dos traballos españois na ELC

A escritora Belén Gache asina un dos traballos de factura española no 3º volume da Electronic Literature Collection. Trátase de Radical Karaoke, un xerador literario dinámico cunha fonda carga política e personalizado para o usuario, e consiste nun dispositivo online que permite que calquera usuario poida enunciar discursos políticos. Así o explica a autora na súa declaración de intencións.

La política, a nivel mundial, se dedica hoy casi exclusivamente a la retórica. Sus discursos se estructuran en base a fórmulas enfáticas y demagógicas, sin contenidos específicos. Su función principal parece ser la de crear clichés lingüísticos cuya única meta, al igual que los virus, es repetirse a sí mismos. El obligado uso del teleprompter en los discursos políticos remite, además, al fenómeno del ventrilocuismo y el karaoke. Se trata de un juego de escuchar y repetir consignas mecánicamente. Convertidos en una sociedad zombie, no somos nosotros los que hablamos sino que son otros (¿el poder?, ¿el mercado?, ¿el lenguaje mismo?) los que hablan a través nuestro. 

Mientras que, a comienzos del siglo XX, la política se valía de las nuevas tecnologías de la época como la radio o los altavoces para llegar a las masas, hoy se vale de teleprompters, podcasts y redes sociales. A partir de un conjunto de poesías que se apropian de la retórica de la propaganda política, RK busca interrogar los discursos hegemónicos y trabaja con el permanente contraste entre la utopía y el lugar común; el espíritu revolucionario y el timo que subyace en estos textos.

Estas piezas sonoras están construidas a partir de una estructura verbal fija y textos aleatorios. Sólo que aquí, la voz y el cuerpo son ineludibles. Al igual que el karaoke convierte en supuesto cantante y protagonista a quien lo utiliza, mediante el uso de este dispositivo cualquiera podrá tener la ilusión de verse convertido en un líder político y arengar a las masas.

Neste vídeo podemos ver unha mostra do funcionamento de Radical Karaoke presentada pola propia autora:

Vídeo-ensaio de Talan Memmott sobre o momento actual da literatura electrónica

A ELMCIP vén de presentar The Exquisite Corpus: Issues in Electronic Literature, un vídeo-ensaio documental no que Talan Memmott entrevista a 17 expertos e creadores de literatura electrónica, que reflexionan sobre o momento actual e o futuro desta disciplina.

As preguntas inclúen temas como “ten futuro a literatura electrónica?”, “é Google a fin do mundo?”, “que hai na intersección entre texto e a imaxe?”, “onde está o autor e que é un experto?”, “pode haber unha e-literatura nacional?”, “cal é a atracción das tecnoloxías que se poden tocar?” ou  “cal é o lugar das poéticas dixitais nas políticas globais?”.

Os entrevistados son Mark Amerika, Simon Biggs, Serge Bouchardon, J. R. Carpenter, John Cayley, Cris Cheek, Maria Engberg, Jerome Fletcher, Maria Mencia, Nick Montfort, Jörg Piringer, Jill Walker Rettberg, Scott Rettberg, Alexandra Saemmer, Roberto Simanowski, Christine Wilks e Jaka Železnikar.

O documental está dispoñible en Vimeo:

Transmedia Literacy: seminario en Barcelona

O seminario Transmedia Literacy. From Storytelling to Intercreativity in the Era of Distributed Authorship, que organiza o programa de investigación en cultura dixital da IN3 – Universitat Oberta de Cataluya, celebrarase en Barcelona o vindeiro 10 de decembro. A chamada para presentar propostas de comunicación está aberta e o prazo remata este venres 15  ás 23h.

Entre os temas que a xornada quere abordar de xeito preferente están os novos conceptos de autoría, os modelos e procesos narrativos do chamado “transmedia storyelling”, as teorías da ficción e da representación, as teorías da recepción no tocante aos estudos de medios e de xénero, a retórica e a estética da información, a cultura participatoria e fan, o crowdfunding e o crowdsourcing na produción transmedia, ou a escrita e a semiótica dos novos medios. Serán especialmente benvidas as achegas interdisciplinares.

Os conferenciantes confirmados neste momento son Derrick de Kerckhove (IN3 — Universitat Oberta de Catalunya, Spain) coa ponencia “Connective Intelligence from Writing to the Web”, Asun López-Varela (Harvard University, USA), que falará de “Spatio-temporal Metamorphosis and the Ecologies of Representation: From Analogue to Digital Formats”, Raine Koskimaa (University of Jyväskylä, Finland) con “Playing with Time in New Media Fiction” e Carlos Scolari (Pompeu Fabra University, Spain) coa conferencia “Towards an Archeology of Transmedia Storytelling”.

As propostas de comunicación remitiranse en inglés co formato suxerido na web do seminario. As que sexan admitidas poderán transformarse en artigos para o vindeiro número do International Journal of Transmedia Literacy.

 

Zaragoza acolle o I Salón de Literatura Transmedia

O I Salón de Literatura Transmedia celébrase esta fin de semana en Zaragoza, no marco do proxecto de fomento de industrias de contidos dixitais TransmediaZ. Nel participan, entre outros, Paula Ortiz, Agustín Fernández Mallo, Eloy Fernández Porta, Manuel Vilas, Begoña Oro, Fernando Marías, David Lozano, Laura Borràs ou a Fundación Germán Sánchez Ruipérez

Entre os obxectivos deste salón están o de acercarlles aos cidadáns as novas narrativas xurdidas no ámbito dixital a partir da converxencia entre os distintos medios e a aparición de novas prácticas sociais e culturais asociadas a eles, favorecer a divulgación de novos contidos e interfaces para o entretemento e a educación e darlles visibilidade aos editores e escritores que innovan e experimentan coas novas formas narrativas que xorden na intersección da literatura e as novas tecnoloxías.

O programa está composto por seminarios onde se dará conta de casos de estudo en torno á narrativa transmedia, como o proxecto “Bodas de sangre” de Paula Ortiz, talleres destinados á aplicación de relatos transmedia na educación, contacontos e mesas de debate e experiencias nas que se falará do lector dixital, do papel do lector ou dos novos camiños para a novela.

Pódese descargar o programa completo na web de TransmediaZ.

Chema Paz Gago presenta un libro de poemas pensados para WhatsApp

whatsappaO escritor e académico coruñés Chema Paz Gago presenta esta tarde na Coruña o seu libro Wha(ts)appa. Piropoemas para mensajes de móvil, un poemario pensado para ser usado na aplicación móbil de chat “WhatsApp” coa intención de namorar.

Paz Gago é catedrático de Teoría da Literatura e Literatura Comparada na Universidade da Coruña, e ten publicados xa dous outros libros na mesma editorial, Pigmalion: Manual para enamorar princesas e Guía de lugares inexistentes. O tema do amor fou e do ‘Don Juan’ seguen presentes nesta nova obra de “piropoemas” composta de 21 apartados que se corresponden con 21 letras do abecedario, presididas por termos que empezan por cada unha delas.

O libro preséntase hoxe, 31 de outubro, ás 20h no Sporting Club Casino da Coruña, e o autore estará acompañado da escritora Blanca Riestra, o xornalista Pati Blanco e o editor, Basilio R. Cañada.