O congreso ‘Writing in a Digital Age’ analiza en Londres os novos retos dos escritores e do sector editorial

Os vindeiros días 8 e 9 de xuño celebrarase en Londres a conferencia ‘Writing in a Digital Age”, organiza por The Literary Consultancy dentro da súa The Literary Conference. Nesta ocasión abordaranse os novos retos que afrontan os escritores, como a creación e venda de e-books, a escolla entre a autopublicación ou as vías tradicionais, a exploración dos mercados internacionais emerxentes, o uso de redes sociais e outras ferramentas promocionais, e, finalmente, o xeito en que a tecnoloxía muda as formas literarias.

Un dos partners desta conferencia é The Literary Platform, que ofrecerá unha mesa redonda titulada “How multimedia is bringing books to life”, con Tony White, Jonas Lennermo, Julian McCrae e Sophie Rochester, que reflexionarán sobre o que supón a tecnoloxía para a arte de contar historias. Por exemplo, usando apps, xogos e outras plataformas. E pregutnaranse se a novela tradicional é aínda a forma pola que os escritores deben seguir máis atraídos á hora de escribir.

Entre os participantes están autores moi relevantes no ámbito británico e figuras da súa industria editorial, como Hari Kunkzru, Kate Mosse, Nicola Morgan, Simon Trewin, Maria Rejt, Cathryn Summerhayes, Linda Grant, David Godwin, Robert Kroese ou Karolina Sutton. Tamén participarán algúns dos máis innovadores editroes e axentes literarios deste país, que falarán sobre o seu traballo e proxectos editoriais.

Programa completo de Writing in the Digital Age.