Todolos artigos de: Le.es

Próximo congreso da ELO en Canadá

O Congreso da Electronic Literature Organization celebrarase na Universidade de Victoria, en Canadá, no vindeiro mes de xuño. Nesta edición o evento medra en ambición e tamaño, combinando o congreso académico cun festival onde se poderán ver as últimas novidades na literatura e artes dixitais e tamén competirán obras polos premios New Horizons 2016.

Proxeccións, lecturas, exposicións, debates, actuacións e ata un programa en directo conformarán todo o despregue performativo e multimedia desta edición da ELO Conference, que prestará especial atención ás novidades en aplicacións móbiles, realidade virtual e aumentada, robótica, vídeo, net.art, arte sonora e outras formas multimedia e transmediais que lle dan un novo tratamento á literatura nesta década.

Máis información na web da ELO 2016.

Presentación do libro ‘Narratopedia’ de Jaime Alejandro Rodríguez

O pasado 10 de maio o teórico e escritor colombiano Jaime Alejandro Rodríguez Ruiz presentou na feira do libro de Bogotá o libro Narratopedia. Reflexiones sobre narrativa digital, creación colectiva y cibercultura, que coordina como editor académico. Na presentación participaron algúns dos autores que participan no libro, como Offray Luna, Mario Morales, Luis Carlos Díaz e Jairo Antonio Pérez. Ademais de subir este vídeo coa presentación, Jaime Alejandro Rodríguez colgou na plataforma Scribd os capítulos dos que é autor, que se poden ler e descargar en pdf.

Balada triste de moqueta, un “folletín 2.0” de Camilo Franco

O escritor ourensán continúa a experimentar coa narrativa en internet, utilizando nesta ocasión a web pero sobre todo o Facebook para escribir unha novela por entregas condicionada pola actualidade e polos lectores.

A finais do século pasado Camilo Franco propúxose experimentar coa literatura na rede cun proxecto chamado Por conto alleo no portal Vieiros. Durante 50 días (e noites), os internautas que quixeron participar, enviaron dúas palabras que cada día a redacción de Vieiros seleccionaba e lle remitía ao autor, para que escribira (entre as sete da tarde e as 11 da mañá) un conto a partir delas.

No 2001 chegou Necesariamente X, tamén con Vieiros. Un experimento similar no que os internautas enviarían unha imaxe pornográfica que motivase o autor para escribir un relato ou un ‘pensamento’ non necesariamente erótico.

Dez anos máis tarde, Camilo Franco volve á carga usando desta volta as redes sociais, en concreto Facebook, co “folletín 2.0” Balada triste de moqueta. Faino publicando no espazo en Facebook do pub santiagués Casa das Crechas, de maneira que non só é o primeiro escritor galego que escribe para esta rede social, senón tamén o primeiro en facelo nun espazo patrocinado por unha casa comercial.

Seguir lendo Balada triste de moqueta, un “folletín 2.0” de Camilo Franco

Festival E-Poetry en Buffalo

A cidade norteamericana de Buffalo acolle do 18 ao 21 de maio a décima edición do festival E-Poetry 2011, un dos que marca as pautas na innovación das artes e linguaxes dixitais no mundo. Con edicións previsas en West Virginia, Londres, París e Barcelona, o festival leva definido internacionalmente a poética literaria dixital. Creou unha liña continua de investigación que abarca a performance, a experimentación e intercambios académicos e artísticos.

Estarán presentes os autores e investigadores máis importantes a dia de hoxe da literatura electrónica, como Alan Bigelow, Nick Monfort, Mark Marino, Lori Emerson, Wilton Azevedo, Talan Memmott ou Loss Pequeño Glazier. Procedentes de España e Portugual estarán autores como Manuel Portela, Belén Gache ou Eugenio Tisselli. O programa completo está dispoñible en pdf.

No seu 10º aniversario, o festival proponse iniciar unha nova era na literatura dixital. Desde os seus comezos, E-Poetry foi pioneiro no seu eido e creceu con máis forza en cada edición. A do 2011 aspira a marcar a culminación dos seus primeiros dez anos e estabelecer un modelo para futuros festivais. Busca avanzar o diálogo do dixital cara a unha escena comprometida coa actividade académica á que o campo se presta.

Monográfico sobre Novas Textualidades do Boletín Galego de Literatura

Estamos ultimando a edición do próximo número do Boletín Galego de Literatura, para o que este ano fomos convidados a realizar un monográfico sobre Novas Textualidades.

O monográficio está coordinado por María Teresa Vilariño Picos, e incluirá artigos de Saúl Rivas, Iria Castro, Manuel del Río, Ana Cabaleiro, Samuel Solleiro, Tomás González Ahola, María Yáñez, Andrea Álvarez. David Muíño, Ícaro Vidal e Jara Calles entre outros.

Jornadas: Literaturas en la era digital

Datas: 15-16 de decembro de 2010

Las jornadas “Literaturas en la era digital” se organizarán en el contexto del master profesional Multimedia Komunikazioa EHU-EITB, y quiere ser una actividad complementaria del mismo. Estas jornadas responden a dos objetivos:en primer lugar, ofrecer a los alumnos del master la posibilidad de profundizaren el conocimiento de la cibercultura, y darles la posibilidad de tener contacto directo con especialistas en el tema; en segundo lugar, ofrecer a los alumnos de grado o de licenciatura la posibilidad de profundizar en esta cuestión.

Las reflexiones de estas jornadas se centrarán en la cultura creada en elciberespacio, y para ello, partiremos de las expresiones literarias. Es un tema de gran actualidad, pero que no todavía no se trata con profundidad en los estudios de Comunicación, y por ello, estas jornadas quieren abrir el debate enese tema tan poco tratado, pero de gran actualidad.

Para ello, las jornadas se han dividido en dos: en primer lugar, se ofrecerán conferencias impartidas por expertos en ciberliteratura, y en segundo lugar, seofrecerá una mesa redonda con agentes literarios vascos, para reflexionarsobre la situación actual de la literatura digital en el ámbito vasco.

Como estas jornadas se van a organizar en el marco de un master profesional, su difusión está garantizada, y más aún teniendo en cuenta que es un master profesional organizado con EITB. De esta manera, la difusión de la actividadestará garantizada, tanto a nivel propagandístico, como a nivel comunicativo,puesto que se pedirá a los alumnos que realicen reportajes sobre las jornadaspara poder difundir en los medios de comunicación las reflexiones realizadas durante esas jornadas.