Arquivo da categoría: Publicacións

A revista Caracteres pide colaboracións para o seu vindeiro número sobre Humanidades Dixitais

caracteres1A revista Caracteres, unha publicación académica independente para a investigación e análise crítico da cultura, o pensamento e a sociedade da esfera dixital, abre a súa convocatoria para propostas de artigos para o número 2º do vol. 2 deste ano 2013.

Caracteres fundouse en 2011 baixo a dirección de Daniel Escandell Montiel con espíritu interdisciplinar, prestando especial atención nos estudos literarios, lingüísticos, educativos, filosóficos e hipermedia. Segundo explican na súa web, a revista “nace con el objetivo de dedicarse principalmente -pero no de manera exclusiva- a la crítica literaria y lingüística centrándose sobre todo en las nuevas pantallas y en las relaciones que se establecen entre público y creadores. Nuestra perspectiva investigadora se enmarca en la tradición de los estudios culturales y de las tendencias surgidas a raíz de las diferentes reflexiones sobre nuevas formas de entender la confluencia entre las Humanidades y lo digital-tecnológico”.

Ata o de agora levan publicados 3 números nos que participan autores de diferentes ámbitos e países, como Celia Corral, Eugenio Tisselli, Genara Pulido, Álvaro Llosa, Daniel Esparza ou Juan Carlos Cruz Suárez. A maioría deles son novos investigadores e expertos do campo da Teoría da Literatura, a Lingüística, as Artes, a Psicoloxía, a Historia ou a Comunicación.

Caracteres edítase en España baixo el ISSN 2254-4496 e está recollida en bases de datos, catálogos e índices nacionais e internacionales, tal e como se pode consultar na web. A recepción de artigos para o seguinte número pecharase o 1 de outubro de 2013. As propostas que buscan son de artigos de investigación sobre Humanidades Dixitais e que, por tanto, estuden a confluencia de disciplinas como a Filoloxía, a Historia, a Filosofía, etc coa tecnoloxía dixital e o científico-téncico. Segundo indican, publican tamén recensións de libros e artigos de divulgación, que inclúen experiencias dixitais, hipótesis en desenvolvemento etc.

Número 5 da Revista Cibertextualidades: ‘Electronic Publishing Models for Experimental Literature’

cibertextualidades_vol5A revista Cibertextualidades, editada pola Universidade Fernando Pessoa do Porto (Portugal) e dirixida polo profesor Rui Torres, vén de publicar o seu número 5, correspondente a 2013, baixo o título Electronic Publishing Models for Experimental Literature. O propio Rui Torres e mais Manuel Portela son os coordenadorse deste número, que afronta os problemas da representación, arquivo e publicación das formas literarias experimentais nos espazos dixitais. Inclúe comunicacións escritas en portugués, francés e inglés sobre procesos e métodos para a representacón, preservación e difusión das prácticas literarias intermediais e multimediais usando sistemas de arquivos dixitais.

No epígrafe “Visuality and Intermediality in Experimental Literature” atopamos un artigo de Jorge dos Reis titulado Critérios fundadores da poesia tipográfica e outro de Eduardo Paz Barroso co título Palavra e pintura em trocas de papéis. Concretismo, experimentalismo e artes plásticas em Portugal. No apartado sobre “Combination and Generativity in Cyberliterature” temos tres comunicacións: Vers une ontologie du domaine de la poésie numérique, de Philippe Bootz & Samuel Szoniecky, A Literatura Factorial [l!] de  Álvaro Seiça, e Barroquismos Digitais de Otávio Guimarães Tavares. O epígrafe máis extenso titúlase “Digital Archives and Electronic Publishing Models” e nel escriben Johanna Drucker (Modelando a funcionalidade: do códice ao livro electrónico), Philippe Bootz, Samuel Szoniecky e Abderrahim Bargaoui (Entité / identité. Un outil d’indexation des documents relatifs à la poésie numérique), Serge Bouchardon e Bruno Bachimont (Preservation of digital literature: from stored to reinvented memory), Isabel Pinto ((Un)Certain Editing) e Isabel Lourenço (Da Imaginação à concretização: representação e leitura em The William Blake Archive). No capítulo de Teses aparece o artigo Conhecimento científico em hipermídia: uma proposta de análise metodológica, de Érica Masiero Nering, e no apartado de proxectos Scott Rettberg presenta a ELMCIP Electronic Literature Knowledge Base.

A revista enteira está dispoñible para a súa descarga en pdf, a través desta páxina, onde tamén se poden ler os resumos de cada un dos artigos publicados.

Ao mesmo tempo, o sexto número de Cibertextualidades xa se está preparando e ten aberta a convocatoria para enviar artigos ata o día 31 de xullo de 2013. Os coordinadores son Rui Torres e Débora Santos e Silva, e o tema xeral é a Interacção de linguagens e convergência dos média nas poéticas contemporâneas.

 

Xelís de Toro inaugura en Santiago a exposición sobre ‘O libro das pontes invisibles’

Este xoves 13 de setembro presentouse na galería Metro de Santiago de Compostela O libro das pontes invisibles e a exposición que o acompaña, que forma parte dunha obra multidisciplinar formada por 30 textos de Xelís de Toro, trasladados ao inglés por John Rutherford, e unha colección de distintas obras de arte creadas por 14 artistas internacionales inspiradas nestes textos. O conxunto adquiriu forma de libro + DVD, editado por Pighog Press, e tamén dunha exposición que fixo este ano en Brighton, cidade inglesa na que vive o escritor, e que agora trae á súa cidade natal nun formato reducido.

Na web do proxecto, Xelís de Toro explica o proceso de O libro das pontes invisibles, que é tan importante como o resultado: unha vez que a colección de textos foi escrita e traducida pasóuselle a catorce artistas colaboradores, tanto do Reino Unido como de Galicia. Durante un período de tres meses cada un deles creou unha obra única na súa práctica respectiva, inspirada por un texto, por un fragmento ou por varios textos. Estas colaboracións preséntanse na última parte do libro e no DVD que o acompaña, e algunhas delas pódense ver na exposición da Galería Metro ata o 3 de outubro.

En concreto os artistas cuxa obra se pode ver nesta exposición son, ademais do propio Xelís de Toro, Ed Briggs, Chévere, Simon Wilkinson [circa69], Bruno Humberto, Yael Karavan, Fredrik Lloyd, Linda Remahl, Fran Pérez (Narf), Matt Rudkin, Dolores Sanchez Calvo, Jim Sanders, Jonathan Swain e Prue Waller.

Ve a luz o novo número do Boletín Galego de Literatura, dedicado á textualidade dixital

O número 46 do Boletín Galego de Literatura, coordinado por María Teresa Vilariño Picos, do proxecto Le.es, vén de saír publicado co título Textos a escape: a literatura e a cultura na era dixital.

O volume inclúe artigos de Anxo Abuín González («Co debido respecto”: unha introdución a The Soprano’s Studies»), Ana Cabaleiro López («Nacemento e declive da utopía tecnolóxica: o ciberactivismo artístico a finais do século XX»), Jara Calles («A invención de códigos [hacking + bioarte + literatura = enxeñería social] powered by Século21»), Manuel Cebral Loureda («Que é teatro resoante?»), Óscar Cornago («Barroco teatro da modernidade (para unha construción crítica do presente)»), Fabrice Corrons («”Novo dramaturgo/a e director(a) de Cataluña pretende conectar co público. Razón aquí”. Reflexións sobre a relación teatral nas novas dramaturxias catalás»), Juan Fernández Navazas («A lectura performativa e a performance da personalidade en Facebook»), Ícaro Ferraz Vidal («Participação alienante, distância empancipatória. Novas textualidades, hermenêutica e ambivalência»), María López Suárez («Entre a continxencia do corpo e a deconstrución do xénero: a acción e a obxección no ideal performativo da cultura contemporánea»), David Muíño Barreiro («Tecnoloxía, subxectividade e política: poéticas na paisaxe dixital»), Manuel del Río («”Prison, my lord?” Lecturas gnósticas da cidade, a literatura e o cine”»), Saúl Rivas («Ser diferente é ser existente. A literatura electrónica en Galicia»), Alfonso Rivera («Pina Bausch e Lloyd Newson. O teatro na danza, a danza no teatro físico»), María José Sabo («Novas prácticas no ciberespazo: tensión, impugnación e distanciamento das formas tradicionais»), Samuel SolleiroSignum crucis: a historia do cinema como encrucillada en Jean-Luc Godard e Harun Farocki»), María Teresa Vilariño Picos («A poesía dixital cítase coa oralidade»), Telémaco 1.0 e María Yáñez («Shakespeare en 140 caracteres»).

Tamén se inclúe unha entrevista de Andrea Álvarez Pino ao creador Eduardo Kac, e no apartado de libros a revista contén recensións do libro de Emmanuelle Garnier Les dramaturges femmes dans l’Espagne contemporaine. Le traquique au féminin, feita por María López Suárez, do volume de Henry Jenkins e outros Confonting the Challenges of Participatory Culture – Media Education for the 21st Century feita por Serena Bilanceri, do libro de Eduardo Kac Telepresencia y bioarte. Interconexión en red de humanos, robots y conejos, feita por David Muíño e, por último, Alba Méndez recensiona tres volumes dedicados ás series de televisión publicados na editorial Errata Naturae: Los Soprano forever: antimanual de una serie de culto, The Wire: 10 dosis de la mejor serie de la televisión e Teleshakespeare.

Ademais, este número do Boletín Galego de Literatura leva ilustracións de debuxantes galegos de última xeración como Héctor Barros, María Gilino, Alberto Guitián, Emma Ríos e Sole Rei.

Accesible na rede o último número da revista Texto Digital

O último número da revista Texto Digital da Universidade Federal de Santa Catarina, Florianópolis (Brasil) vén de editarse cunha serie de artigos que van dende a análise de sistemas e a súa aplicación á literatura ata unha ollada ao fenómeno do flash mob, e que inclúe un dossier sobre literatura dixital en lingua inglesa, coordinado pola profesora e investigadora da Universidade Complutense de Madrid María Goicoechea de Jorge.

A revista convidou a María Goicoechea (integrante do LEETHI Research Group – Literaturas Europeas y Españolas del Texto al Hipertexto, nos apresenta “Digital Literature In English: an Intercultural/Transliterary Approach”) a coordinar este dossier sobre o estado actual da literatura dixital en lingua inglesa, analizando obras e lecturas que abordan a indefinición de fronteiras culturais e literarias. Así o explican na introdución da revista: ” Por meio de uma abordagem transliterária, os artigos voltam-se para a reflexão acerca das propostas literárias que transcendem certas tradições literárias e culturais. Há a perspectiva da Literatura Comparada, que ressalta ora as diferenças ora as demarcações, mas também as fusões, os empréstimos e os contágios do ciberespaço, o qual consubstancia a desterritorialização do texto”.

Neste dossier inclúense textos da propia María Goicoechea de jorge (“The Mechanic Eye: North American Visual Poetry in the Digital Age”), Maya Zalbidea Paniagua (“Exploiting Hypertext’s Potential for Teachig Gender Studies”), Laura de la Parra Fernández (“Writing Out, Reading In: The Poetic Persona on Young Blogging Writers”), Giovanna di Rosario e Laura Borràs (“Translating Digital Literature: Two Experiences and a Reflecion”), ou Pilar García Carcedo, que asina canda Goicoechea o artigo “Alice Through the Computer Screen: a Study of Literary Reading and Writing on Digital Displays”.

Tamén podemos atopar n a revista un pequeno dossier temático escrito por Débora Cristina Santos Silva e Keila Matida de Melo Costa, titulado “Percursos da Leitura entre a Página e a Tela: uma Multiplicidade de Sentidos”. E os artigos de Paulo de Tarso Cabrini Júnior (“Haikai – Umar Experiência com Análise de Sistemas”), Ana Lígia de Oliveira Trindade, Ewerton Luis Faverzani Figueiredo, Nádia Maria Weber Santos, Patrícia Kayser Vargas Mangan e Robson da Silva Constante (“Multiculturalismo Urbano: o Fenômeno Flash Mob”) e Ana Beatriz Barroso (“Além do Códex”).

No apartado de creación a revista Texto Digital presenta obras de Suzete Venturelli e de Marc C. Marino, de quen tamén se inclúe unha entrevista feita por María Goicoechea.

Todos os contidos da revista están accesibles online.

Convocatoria de artigos para o libro ‘Medialabs y cultura digital’, de USE_lab Sevilla

O USE_lab Sevilla amplía o prazo da convocatoria para o envio de artigos o seu futuro libro Medialabs y cultura digital, que sairá a finais de ano. O peche desta convocatoria estaba previsto que rematase este 23 de xullo pero queda ampliado ata o 15 de setembro. Copiamos aquí as liñas de investigación nas que este

Línea 1: Educando en la sinergia: el sistema ACTS (Arte, Ciencia, Tecnología y Sociedad) en los procesos formativos.

1.1. Proyectos educativos que integren el sistema ACTS
1.2. Procesos colaborativos trans/inter/multi-disciplinares en la educación reglada y no reglada.
1.3. Investigación, experimentación e innovación artística en/con contenidos digitales.
1.4. Formación y educación en la cultura digital: corrupciones, integraciones y futuribles.

Línea 2: Producción y difusión artística en el sistema ACTS. Medialabs e iniciativas afines para la investigación y la creación colaborativa.

2.1. Laboratorios de arte: tipologías, topografías, políticas y redes.
2.2. Medialabs: pensamiento crítico y creación colectiva.
2.3. Impacto social y cultural de los medialabs.
2.4. Arte digital y procomún.
2.5. Autoría colectiva y propiedad intelectual.
2.6. El arte después del contagio con la tecnología y viceversa.
2.7. Estrategias emergentes de relación entre la producción y difusión artística y el mundo digital.
2.8. Políticas para la supervivencia: instituciones versus creadores independientes.
2.9. Tecnologías y poéticas de las prácticas artísticas actuales.
2.10. Gestión del patrimonio artístico digital.

Línea 3: Indexando emociones. Humanos del siglo XXI, simbiontes de la tecnología

3.1. Interferencias e intersecciones entre Arte, Ciencia, Tecnología y Sociedad.
3.2. Conexiones sociales, puentes tecnológicos e intervención urbana.
3.3. Humanización y tecnología.
3.4. Realidades que no comprenden la ausencia tecnológica.
3.5. Espacios, públicos y culturas digitales en la calle: Intervenciones artísticas digitales en y desde la ciudadanía.

As instrucións e bases para o envío destes artigos pódense consultar nesta páxina.

Tal como explican na súa web, USE_lab é un grupo multidisciplinar xurdido a raíz do proxecto de investigación de I+D+I titulado “El papel del medialab en la Cultura Digital: nuevos espacios de creación colaborativa interdisciplinar en el sistema ACTS (Arte, Ciencia, Tecnología y Sociedad”, dirixido por Yolanda Spínola e financiado polo Ministerio de Ciencia e Innovación do goberno de España. (REF. HAR2009-14667). Este proxecto desenvólvese a través da Universidad de Sevilla durante o período 2010.2012. Colabora con institucións como o Massachussetts Institute of Techonology dos EUA ou a rede de medialabs europeos LabtoLab.