Arquivo da categoría: Transmedia

Preconferencia sobre narrativa transmedia, o vindeiro xuño en Londres

madmenA International Communication Association (ICA) organiza en Londres unha xornada titulada Preconference in Transmedia Stortytelling, que ten por obxectivo crear un entorno interdisciplinar para o intercambio de experiencias investigadoras sobre narrativa transmedia. Será o vindeiro 17 de xuño no Hilton Metropole London Hotel da capital británica.

Nun contexto no que os procesos de converxencia mediática están a mudar por completo o panorama da comunicación tradicional, a proposta do ICA parte da premisa de que moitas producións contamporáneas caracterízanse por 1) a expansión da súa narrativa a través de diferentes medios (cine, TV, comics, etc), e plataformas (blogs, Youtube, etc) e 2) a creación de contidos xerados polos usuarios que contribúen a expander a historia orixinal. Isto é o que Henry Jenkins chamou transmedia storytelling e que a conferencia quere poñer no centro da investigación, abordándoo desde diferentes aproximacións: os Media Studies, a economía política, a economía dos medios, a narratoloxía, a ludoloxía, os Film Studies, a semiótica, a etnografía, etc. Desde esta fragmentación os obxectivos do congreso son:

  • Debater o estado da investigación sobre transmedia no mundo.
  • Presentar, difundir e debater os máis innovadores estudos sobre transmedia en todo o mundo.
  • Ofrecer un entorno interdisciplinar para intercambiar metodoloxías, aproximacións e experiencias na investigación en trasmedia.
  • Consolidar unha rede internacional de investigadoras/es en transmedia.

Na preconference aberá lugar para presentacións e paneis, conferencias maxistrais e debates informais, e esta aberta a calquera persoa interesada no tema. O prezo da inscrición é de 115 dólares (uns 90 euros).As keynotes correrán a cargo de Robert Pratten (Transmedia Storyteller Ltd.), Sarah Atkinson (University of Brighton), Elizabeth Evans (University of Nottingham)e Göran Bolin (Södertörn University). O comité organizador compóñeno Carlos A. Scolari (Universitat Pompeu Fabra, Barcelona, Spain)e Indrek Ibrus (Tallinn University, Estonia).

 

 

http://ica2013transmedia.wordpress.com/

Obras literarias e produción transmedia: algunhas propostas

O profesor Carlos A. Scolari escribe no blog do proxecto Digitalismo unha interesante entrada contando os resultados dunha serie de obradoiros sobre comunicación transmedia celebrados en distintas universidades de España e Latinoamérica. Destacan as propostas que saíron deses talleres co exercicio de levar a unha formulación transmedia obras xa existentes, moitas deles procedentes da literatura clásica e contemporánea.

Por exemplo, propuxéronse posibles casos como unha estratexia transmedia para o relato de Edgar Allan Poe O corazón delator, que incluía distintas adaptacións (algunhas delas xa se fixeron) para o cine ou o cómic, pero tamén para outros soportes como os videoxogos ou as redes sociais, nas que se desenvolverían aspectos narrativos non incluídos no relato orixinal pero que si poden derivar del, como secuelas no futuro ou precuelas no pasado, nas que os usuarios terían un papel destacado.

 

 

 

 

 

 

 

 

 

 

 

 

Outro posible caso presentado foi o de Pantaleón y las visitadoras. Atención ao posible correlato publicitario que se presenta como ocasión para a expansión mesmo comercial da narración de Vargas Llosa: En este caso la expansión transmedia se abre al mundo de las marcas e incluye posibles acciones de co-branding con empresas que valorizan el sexo y la seducción (por ejemplo Axe). Si, como nos enseña la semiótica, las marcas se articulan alrededor de los relatos y crean mundos narrativos cargados de valores: ¿Por qué no recombinarlas con los relatos de ficción? Muchos proyectos transmedia de ficción incluyen acciones conjuntas con empresas que comparten los mismos valores.

 

 

 

 

 

 

 

 

 

 

 

 

 

Tamén relacionado coa literatura hispana está a proposta de relanzar a obra de Julio Cortázar no seu centenario, usando como punto de partida o relato Continuidad de los parques para cubrir unha ampla gama de medios e experiencias de comunicación, desde instalacións ata concursos de relatos breves, cómics ou obras de teatro.

 

 

 

 

 

 

 

 

 

 

 

 

 

 

No post de Scolari pódense ver máis exemplos que nos mostran como polo menos sobre o papel as posibilidades parecen ilimitadas. Mais aínda está por desenvolver o poder real da estratexia transmedia, e sobre todo o seu valor nesta era da comunicación dixital.

Audiovisual 2.0 e os novos hipertextos

A revista Anàlisi, unha publicación electrónica impulsada pola Universitat Autònoma de Barcelona e a Universitat Oberta de Catalunya, vén de publicar un monográfico no número correspondente a febreiro do 2012, co título Audiovisual 2.0: Narratives, recepció i consum en els nous hipertextos.

Este número especial, coordinado por Charo Lacalle e Jordi-Sánchez Navarro, recolle unha serie de “reflexións e debates sobre as diferentes formas dos contidos audiovisuais contemporáneos e as trasformacións que os novos procesos tecnolóxicos, sociais e comunicativos están a provocar nos diferentes medios, e nos ámbitos da construción de relatos, a produción, e o consumo e a recepción”.

Abordando estes temas aparecen os seguintes artigos: “Audiovisual 2.0: Narratives, recepció i consum en els nous hipertextos”, de Charo Lacalle e Jordi Sánchez-Navarro, “Narració i cognició”, de Josep María Català Domènech, “El pla en primera persona. Noves formes de subjectivitat entre el cinema i les xarxes intermèdia”, de Ruggero Eugeni, “Tensions de la narrativa serial en el nou sistema mediàtic”, de Rosa Álvarez Berciano, “Interpretació i análisis de contingut cross media: el cas de Televisió de Catalunya”, de Rosa Franquet e María Isabel Villa Montoya, “Sang fresca publicitària: True Blood i les transfusions de la ficció”, de Raúl Rodríguez Ferrándiz, “Les transformacions dels continguts audiovisuals i la influència dels dispositius mòbils en el nou escenari transmèdia”, de Alberto Tognazzi Drake, “Experiències memorables en l’era de la música instantània”, de Héctor Fouce, e “Un estudi de cas de recepció transmediàtica: Comunitats de fans en Facebook i temes socials en la telenovela brasilera Passione”, de Maria Immacolata Vassallo de Lopes.

Todos os artigos están dispoñibles en pdf.