Arquivos da etiqueta: Anxo Abuín

Viaxe ás relacións entre teatro e cinema catalán da man de Marcel·lí Antúnez, Joaquim Jordà e Esteve Riambau

eldibuixant

O ciclo céntrase nas relacións entre teatro e cinema por medio de cinco propostas de diversa natureza. El dibuixant e El peix Sebastiano achégannos ao proceso creativo e ao universo privado do artista Marcel·lí Antúnez, figura senlleira da arte electrónica e a experimentación escénica, ademais de cofundador de La Fura dels Baus, compañía teatral de recoñecido prestixio internacional. Pola súa banda, Numax presenta e Veinte años no es nada, do director Joaquim Jordà, reconstrúe a experiencia de autoxestión dos traballadores da fábrica Numax por medio de senllos documentais nos que o teatro é incorporado como recurso narrativo. Finalmente, Màscares de Esteve Riambau, Director da Filmoteca de Catalunya, culmina este percorrido pola relación entre teatro e cinema invadindo, de xeito privilexiado, o espazo entre bastidores dun actor, Josep M. Pou, na preparación dunha das súas obras.

Intermedialidades conta coa colaboración do CEFILMUS (Centro de Estudos Fílmicos da Universidade de Santiago de Compostela) e mais o apoio do Institut Ramon Llull e a Vicerreitoría de Estudantes, Cultura e Formación Continua.

A asistencia e participación neste ciclo é convalidable como seminario (certificado de 20 horas).

INFORMACIÓN: anxo.abuin@usc.es

Inscrición gratuíta

Prazo de inscrición até o 30 de maio de 2013

PROGRAMA

Xoves, 30 maio

19:00 – 19:30 h. Inauguración do ciclo. Relatorio de Marcel·lí Antúnez Roca, ­ figura senlleira da arte electrónica e da experimentación escénica; cofundador de La Fura dels Baus

19:30-20:30 h. Proxección de El dibuixant (60 min) de Marcel·lí Antúnez Roca

20:30-21:00 h. Pausa

21:00-21:30 h. Proxección de El peix Sebastiano (32 min) de Marcel·lí Antúnez Roca

21:30 h. Coloquio coa presenza do director.

Venres, 31 maio

10:30-12:30 h. Numax presenta (105 min) de Joaquim Jordà

12:30-13:00 h. Pausa

13:00-13:30 h. Relatorio sobre O universo teatral de Joaquim Jordà, a cargo de Xosé Nogueira Otero, Profesor de Historia da Arte (Historia do Cine) da USC e Secretario do (CEFILMUS) Centro de Estudos Fílmicos da Universidade de Santiago de Compostela

13:30 h. Coloquio

16:00-18:00 h. Veinte años no es nada (117 min) de Joaquim Jordà

18:00-18:30 h. Pausa

18:30-20:30 h. Proxección de Màscares (90 min) de Elisabet Cabeza e Esteve Riambau. Coa presenza do cineasta Esteve Riambau, Director da Filmoteca de Catalunya, Profesor do Departamento de Comunicación Audiovisual e Publicidade da Universitat Autònoma de Barcelona e Vicepresidente da (FIAF) Federación Internacional de Arquivos Fílmicos

20:30-21:00 h. Pausa

21:00 h. Mesa redonda e coloquio coa participación de Marcel·lí Antúnez, Esteve Riambau, Ángel LuisHueso e Xosé Nogueira

Ve a luz o novo número do Boletín Galego de Literatura, dedicado á textualidade dixital

O número 46 do Boletín Galego de Literatura, coordinado por María Teresa Vilariño Picos, do proxecto Le.es, vén de saír publicado co título Textos a escape: a literatura e a cultura na era dixital.

O volume inclúe artigos de Anxo Abuín González («Co debido respecto”: unha introdución a The Soprano’s Studies»), Ana Cabaleiro López («Nacemento e declive da utopía tecnolóxica: o ciberactivismo artístico a finais do século XX»), Jara Calles («A invención de códigos [hacking + bioarte + literatura = enxeñería social] powered by Século21»), Manuel Cebral Loureda («Que é teatro resoante?»), Óscar Cornago («Barroco teatro da modernidade (para unha construción crítica do presente)»), Fabrice Corrons («”Novo dramaturgo/a e director(a) de Cataluña pretende conectar co público. Razón aquí”. Reflexións sobre a relación teatral nas novas dramaturxias catalás»), Juan Fernández Navazas («A lectura performativa e a performance da personalidade en Facebook»), Ícaro Ferraz Vidal («Participação alienante, distância empancipatória. Novas textualidades, hermenêutica e ambivalência»), María López Suárez («Entre a continxencia do corpo e a deconstrución do xénero: a acción e a obxección no ideal performativo da cultura contemporánea»), David Muíño Barreiro («Tecnoloxía, subxectividade e política: poéticas na paisaxe dixital»), Manuel del Río («”Prison, my lord?” Lecturas gnósticas da cidade, a literatura e o cine”»), Saúl Rivas («Ser diferente é ser existente. A literatura electrónica en Galicia»), Alfonso Rivera («Pina Bausch e Lloyd Newson. O teatro na danza, a danza no teatro físico»), María José Sabo («Novas prácticas no ciberespazo: tensión, impugnación e distanciamento das formas tradicionais»), Samuel SolleiroSignum crucis: a historia do cinema como encrucillada en Jean-Luc Godard e Harun Farocki»), María Teresa Vilariño Picos («A poesía dixital cítase coa oralidade»), Telémaco 1.0 e María Yáñez («Shakespeare en 140 caracteres»).

Tamén se inclúe unha entrevista de Andrea Álvarez Pino ao creador Eduardo Kac, e no apartado de libros a revista contén recensións do libro de Emmanuelle Garnier Les dramaturges femmes dans l’Espagne contemporaine. Le traquique au féminin, feita por María López Suárez, do volume de Henry Jenkins e outros Confonting the Challenges of Participatory Culture – Media Education for the 21st Century feita por Serena Bilanceri, do libro de Eduardo Kac Telepresencia y bioarte. Interconexión en red de humanos, robots y conejos, feita por David Muíño e, por último, Alba Méndez recensiona tres volumes dedicados ás series de televisión publicados na editorial Errata Naturae: Los Soprano forever: antimanual de una serie de culto, The Wire: 10 dosis de la mejor serie de la televisión e Teleshakespeare.

Ademais, este número do Boletín Galego de Literatura leva ilustracións de debuxantes galegos de última xeración como Héctor Barros, María Gilino, Alberto Guitián, Emma Ríos e Sole Rei.

Un novo volume de ‘Urbes Europaeae’ percorre as cidades virtuais da man do proxecto Le.es

A construción de imaxinarios e a súa xestión, a articulación mediante imaxes ou textos dos discursos da cidade e aspectos do patrimonio simbólico das cidades europeas son tema do grupo de estudo e investigación Urbes Europaeae, que vén de editar unha nova publicación co título Imaginarios culturales ante la globalización, editada por Javier Gómez-Montero, Christina Johanna Bischoff e Anxo Abuín, coordinador do proxecto Le.es.

Este novo volume, o segundo da colección Urbes Europaeae, que vén de publicar a editorial alemana Ludwig, contén unha sección dedicada a cidades virtuais na que participan varios autores vinculados á USC e en concreto ao proxecto Le.es, como Iria Castro López, que escribe un artigo titulado “Ciudades Virtuales. A propósito de Alletsator y Second Life”; Manuel del Río, cun artigo titulado “”Through the (Broken) Looking Glass”: gnosticismo urbano y cinematográfico”, e María Teresa Vilariño Picos, que escribe sobre “Ciudad y Trans-Urbanismo en los espacios virtuales”.

Outros investigadores da USC que participan son Samuel Solleiro, cun artigo titulado “La cámara recíproca: Amsterdam Global Village de Johan van der Keuken y la confrontación con lo real en el espacio urbano”, ou Rubén Lois González, con “De la ciudad a la postmetrópoli”. Do ámbito peninsular e europeo participan outros autores como Anne-Marie Autisser, Wiebke Best, Christina Johanna Bischoff, Anna Cerbo, Ur Apalategi, Ana Isabel Erdozáin, Joan Ramón Resina, Dirk Shubert, Jüri Talvet ou Ricardo Tejada.

Este volume é o resultado do segundo encontro do programa Urbes Europaeae, que se celebrou na Facultade de Filoloxía de Santiago de Compostela no 2009 cun seminario intensivo titulado «Cidades europeas ante a globalización. Identidades, hibridación e posibilidades da cultura», no que participaron ademais dos citados distintos académicos e escritores como Darío Villanueva, Suso de Toro, José Antonio Aldrey, Pedro de Llano ou Manuel Delgado.

Teatro e Cibercultura, seminario na Universidade de Granada a finais de abril

A Aula de Artes Escénicas da Universidade de Granada organiza o seminario “Teatro y cibercultura” para a semana do 23 ao 27 de abril, no Gabinete de Teatro do Palacio de la Madraza desa cidade. Nel participarán diversos expertos do ámbito peninsular e europeo, entre eles o coordinador do proxecto Le.es, Anxo Abuín.

Este é o programa privisional:

23 de abril:

19:00 h. Domingo Sánchez-Mesa “Los estudios sobre la cibercultura y los new media. Nuevas fronteras de la literatura comparada”.

19. 40 h. Jerome Fletcher: “Digital Literature as Performance Writing”

24 de abril:

19:00 h. Anxo Abuín: “De listas y números. La estética de base de datos en el teatro actual.”

19. 40 h. Teresa López Pellisa: “Ciberteatro, actores virtuales y robots en escena”

25 de abril:

19:00 h. Virgilio Tortosa. “La carne y el píxel: de la representación al simulacro y viceversa.”

19. 40 h. Theótima Amo: “Dramaturgia y arte. El cuerpo expandido.”

26 de abril

19:00 h. Carlos Padrissa: “Burbuja Cero-Una”

27 de abril: Clausura

19:00 h. Laura Borràs: “El teatro de la cibercultura.”

Performing Poetry

A editorial Rodopi publica o volume “Performing Poetry: Body, Place and Rhythm in the Poetry Performance”, coordinado por Cornelia Gräbner (Universidade de Lancaster) e por Arturo Casas, da Área de Teoría da Literatura e Literatura Comparada da USC. Os dous son membros da rede Poetics of Resistance.  Contén diversas aproximacións críticas en torno á  performance poética, á súa condición híbrida e aos conceptos fudamentais de espazo e lugar. Entre outros especialistas procedentes de diferentes ámbitos, no volume participa o director do Proxecto Le.es, Anxo Abuín.

Vía Magmática.

Libro: Escenarios del Caos. Entre la hipertextualidad y la performance en la era electrónica. de Anxo Abuín

Título: Escenarios del Caos. Entre la hipertextualidad y la performance en la era electrónica

Autor: Anxo Abuín González

Ano: 2006

Edita: Tirant lo Blanch

Colección: Prosopopeya manuales

El presente trabajo tiene como objetivo enfocar la literatura, el cine, el teatro y la performance, a partir de las llamadas teorías del caos, como procesos de gran complejidad, lo que implica el rechazo de una perspectiva determinista y lineal, en favor de la adopción de la impredecibilidad como factor central de análisis, vinculado también, como veremos, a las nuevas tecnologías (de la hipertextualidad a los videojuegos}. Nuestra perspectiva representa, en síntesis, la vatoración de la creatividad y singularidad de cada acto artístico, el reconocimiento de su naturaleza efímera y profundamente variable. Desde un ámbito procesual o performati-vo, se huye de toda predeterminación para configurar un territorio rico en transformaciones inesperadas, definido por sus fracturas, flujos y turbulencias, poblado de formas complejas que aspiran a un infinito devenir. La significación de todo fenómeno se percibe así como ubicada dentro de una situación comunicativa siempre in statu nascendi, palmariamente incompleta y fragmentaria. ANXO ABUÍN GONZÁLEZ es profesor de Teoría de la Literatura y Literatura Comparada en la Universidad de Santiago de Composte-la. Ha impartido docencia en otras universidades, como la U ni ver-sity of Colorado at Bouider o la Université de la Bourgogne. Especialista en estudios teatrales, se ha centrado últimamente en el análisis de los procedimientos de intermedial ¡dad, sobre todo en lo que se refiere a las relaciones entre teatro y cine. Entre sus publicaciones destaca El narrador en el teatro. La mediación como procedimiento en el discurso teatral del siglo XX (Universidad de Santiago, 1997); reafro, cerimonia e xogo ( Tris Tram, Lugo, 2001), y la coordinación de los volúmenes fiases metodolóxicas para unha historia comparada das literaturas da Península Ibérica (USC, Santiago, 2004) y Teoría del hipertexto (Arco Libros, Madrid, 2006).

(Presentación editorial)

Reseña en pdf: http://descargas.cervantesvirtual.com/servlet/SirveObras/12147298818949384098213/029472.pdf?incr=1