Arquivos da etiqueta: cibercultura

Transmedia Literacy: seminario en Barcelona

O seminario Transmedia Literacy. From Storytelling to Intercreativity in the Era of Distributed Authorship, que organiza o programa de investigación en cultura dixital da IN3 – Universitat Oberta de Cataluya, celebrarase en Barcelona o vindeiro 10 de decembro. A chamada para presentar propostas de comunicación está aberta e o prazo remata este venres 15  ás 23h.

Entre os temas que a xornada quere abordar de xeito preferente están os novos conceptos de autoría, os modelos e procesos narrativos do chamado “transmedia storyelling”, as teorías da ficción e da representación, as teorías da recepción no tocante aos estudos de medios e de xénero, a retórica e a estética da información, a cultura participatoria e fan, o crowdfunding e o crowdsourcing na produción transmedia, ou a escrita e a semiótica dos novos medios. Serán especialmente benvidas as achegas interdisciplinares.

Os conferenciantes confirmados neste momento son Derrick de Kerckhove (IN3 — Universitat Oberta de Catalunya, Spain) coa ponencia “Connective Intelligence from Writing to the Web”, Asun López-Varela (Harvard University, USA), que falará de “Spatio-temporal Metamorphosis and the Ecologies of Representation: From Analogue to Digital Formats”, Raine Koskimaa (University of Jyväskylä, Finland) con “Playing with Time in New Media Fiction” e Carlos Scolari (Pompeu Fabra University, Spain) coa conferencia “Towards an Archeology of Transmedia Storytelling”.

As propostas de comunicación remitiranse en inglés co formato suxerido na web do seminario. As que sexan admitidas poderán transformarse en artigos para o vindeiro número do International Journal of Transmedia Literacy.

 

‘Software Takes Command’: o novo libro de Lev Manovich, accesible na rede

Software Takes CommandO teórico ruso Lev Manovich, autor da imprescindible obra The Language of New Media (2001, publicada en español por Paidós), regresa cun novo libro onde afonda nos conceptos apuntados nos seus traballos anteriores. O título é Software Takes Command e pubícao Bloomsbury, que ofrece unha versión dixital gratuíta para a súa consulta na web.

Na introdución do libro explícasenos como o software veu sustituir unha variedade de tecnoloxías físicas, mecánicas e electrónicas que se usaban antes do século XXI para crear, gardar, distribuír e interactuar con artefactos culturais. Converteuse na nosa interface co mundo, cos outros, coa nosa memoria e a nosa imaxinación: unha linguaxe universal a través da cal o mundo fala, e un motor universal sobre o que corre o mundo. O que a electricidade e o motor de combustión foron para os comezos do século XX, o software éo para os do século XXI. Con esta premisa, no libro Manovich ofrece a primeira aproximación teórica e histórica ao software para a creación nos medios e os seus efectos no concepto mesmo de “medios”.

Pódeselle botar un ollo ao libro enteiro aquí:

A revista Caracteres pide colaboracións para o seu vindeiro número sobre Humanidades Dixitais

caracteres1A revista Caracteres, unha publicación académica independente para a investigación e análise crítico da cultura, o pensamento e a sociedade da esfera dixital, abre a súa convocatoria para propostas de artigos para o número 2º do vol. 2 deste ano 2013.

Caracteres fundouse en 2011 baixo a dirección de Daniel Escandell Montiel con espíritu interdisciplinar, prestando especial atención nos estudos literarios, lingüísticos, educativos, filosóficos e hipermedia. Segundo explican na súa web, a revista “nace con el objetivo de dedicarse principalmente -pero no de manera exclusiva- a la crítica literaria y lingüística centrándose sobre todo en las nuevas pantallas y en las relaciones que se establecen entre público y creadores. Nuestra perspectiva investigadora se enmarca en la tradición de los estudios culturales y de las tendencias surgidas a raíz de las diferentes reflexiones sobre nuevas formas de entender la confluencia entre las Humanidades y lo digital-tecnológico”.

Ata o de agora levan publicados 3 números nos que participan autores de diferentes ámbitos e países, como Celia Corral, Eugenio Tisselli, Genara Pulido, Álvaro Llosa, Daniel Esparza ou Juan Carlos Cruz Suárez. A maioría deles son novos investigadores e expertos do campo da Teoría da Literatura, a Lingüística, as Artes, a Psicoloxía, a Historia ou a Comunicación.

Caracteres edítase en España baixo el ISSN 2254-4496 e está recollida en bases de datos, catálogos e índices nacionais e internacionales, tal e como se pode consultar na web. A recepción de artigos para o seguinte número pecharase o 1 de outubro de 2013. As propostas que buscan son de artigos de investigación sobre Humanidades Dixitais e que, por tanto, estuden a confluencia de disciplinas como a Filoloxía, a Historia, a Filosofía, etc coa tecnoloxía dixital e o científico-téncico. Segundo indican, publican tamén recensións de libros e artigos de divulgación, que inclúen experiencias dixitais, hipótesis en desenvolvemento etc.

Recepción de propostas para o congreso ‘The Digital Subject’ en París

lesujetdigital“Como é a escrita revisitada polos medios dixitais?  De que xeitos a mudanza dixital lles afecta ás tres dimensións da escritura: a produción dun artefacto, a construción de significado e a aparición do suxeito?”   O simposio The Digital Subject, que se celebrará a Universidade de París-8 do 18 ao 21 do próximo novembro, trata de investigar este novo eido de investigación desde varios puntos de vista, como a filosofía, as artes, a neurociencia e o arquivo, e chama á participación de investigadores nestes campos co envío de propostas antes do 15 de setembro.

O simposio forma parte dun proxecto de longa duración chamado The digital subjet / Le sujet digital que trata de reflexionar sobre as transformacións da subxectividade que xurdiron das tecnoloxías dixitales despois da posguerra, e que explora as maneiras nas que as ferramentas dixitais, de realidade ou ficción, que van de Babbage á internet, teñen alterado a nosa concepción do suxeito e das súas representacións, afectando ao seu status e aos seus atributos.

As linguas de traballo admitidas seán o francés e o inglés. As propostas poden ser enviadas en calquera destas dúas linguas e non deben exceder os 3000 caracteres. Cómpre adxuntar unha nota bio-bibliográfica resumida. Os abstracts débense mandar usando o formulario de  EasyChair. Para máis información hai un correo electrónico,  scriptions@univ-paris8.fr.  O 1 de outubro o comité científico informará das propostas admitidas.

O A conferencia inaugural será a cargo de Mark Amerika. Outros ponentes convidadeos son Jean-Luc Nancy, Bertrand Gervais (UQAM, Montréal), Wendy Chun (Brown University) e Laurent Cohen (Salpêtrière INSERM). O cadro de organización do congreso está formado por Pierre Cassou-Noguès (Department of philosophy, LLCP, SPHERE, EA 4008), Claire Larsonneur (Department of anglophone studies, Le Texte Étranger, EA1569) w Arnaud Regnauld (Department of anglophone studies, CRLC – Research Center on Literature and Cognition, EA1569).

Ve a luz o novo número do Boletín Galego de Literatura, dedicado á textualidade dixital

O número 46 do Boletín Galego de Literatura, coordinado por María Teresa Vilariño Picos, do proxecto Le.es, vén de saír publicado co título Textos a escape: a literatura e a cultura na era dixital.

O volume inclúe artigos de Anxo Abuín González («Co debido respecto”: unha introdución a The Soprano’s Studies»), Ana Cabaleiro López («Nacemento e declive da utopía tecnolóxica: o ciberactivismo artístico a finais do século XX»), Jara Calles («A invención de códigos [hacking + bioarte + literatura = enxeñería social] powered by Século21»), Manuel Cebral Loureda («Que é teatro resoante?»), Óscar Cornago («Barroco teatro da modernidade (para unha construción crítica do presente)»), Fabrice Corrons («”Novo dramaturgo/a e director(a) de Cataluña pretende conectar co público. Razón aquí”. Reflexións sobre a relación teatral nas novas dramaturxias catalás»), Juan Fernández Navazas («A lectura performativa e a performance da personalidade en Facebook»), Ícaro Ferraz Vidal («Participação alienante, distância empancipatória. Novas textualidades, hermenêutica e ambivalência»), María López Suárez («Entre a continxencia do corpo e a deconstrución do xénero: a acción e a obxección no ideal performativo da cultura contemporánea»), David Muíño Barreiro («Tecnoloxía, subxectividade e política: poéticas na paisaxe dixital»), Manuel del Río («”Prison, my lord?” Lecturas gnósticas da cidade, a literatura e o cine”»), Saúl Rivas («Ser diferente é ser existente. A literatura electrónica en Galicia»), Alfonso Rivera («Pina Bausch e Lloyd Newson. O teatro na danza, a danza no teatro físico»), María José Sabo («Novas prácticas no ciberespazo: tensión, impugnación e distanciamento das formas tradicionais»), Samuel SolleiroSignum crucis: a historia do cinema como encrucillada en Jean-Luc Godard e Harun Farocki»), María Teresa Vilariño Picos («A poesía dixital cítase coa oralidade»), Telémaco 1.0 e María Yáñez («Shakespeare en 140 caracteres»).

Tamén se inclúe unha entrevista de Andrea Álvarez Pino ao creador Eduardo Kac, e no apartado de libros a revista contén recensións do libro de Emmanuelle Garnier Les dramaturges femmes dans l’Espagne contemporaine. Le traquique au féminin, feita por María López Suárez, do volume de Henry Jenkins e outros Confonting the Challenges of Participatory Culture – Media Education for the 21st Century feita por Serena Bilanceri, do libro de Eduardo Kac Telepresencia y bioarte. Interconexión en red de humanos, robots y conejos, feita por David Muíño e, por último, Alba Méndez recensiona tres volumes dedicados ás series de televisión publicados na editorial Errata Naturae: Los Soprano forever: antimanual de una serie de culto, The Wire: 10 dosis de la mejor serie de la televisión e Teleshakespeare.

Ademais, este número do Boletín Galego de Literatura leva ilustracións de debuxantes galegos de última xeración como Héctor Barros, María Gilino, Alberto Guitián, Emma Ríos e Sole Rei.

Convocatoria de artigos para o libro ‘Medialabs y cultura digital’, de USE_lab Sevilla

O USE_lab Sevilla amplía o prazo da convocatoria para o envio de artigos o seu futuro libro Medialabs y cultura digital, que sairá a finais de ano. O peche desta convocatoria estaba previsto que rematase este 23 de xullo pero queda ampliado ata o 15 de setembro. Copiamos aquí as liñas de investigación nas que este

Línea 1: Educando en la sinergia: el sistema ACTS (Arte, Ciencia, Tecnología y Sociedad) en los procesos formativos.

1.1. Proyectos educativos que integren el sistema ACTS
1.2. Procesos colaborativos trans/inter/multi-disciplinares en la educación reglada y no reglada.
1.3. Investigación, experimentación e innovación artística en/con contenidos digitales.
1.4. Formación y educación en la cultura digital: corrupciones, integraciones y futuribles.

Línea 2: Producción y difusión artística en el sistema ACTS. Medialabs e iniciativas afines para la investigación y la creación colaborativa.

2.1. Laboratorios de arte: tipologías, topografías, políticas y redes.
2.2. Medialabs: pensamiento crítico y creación colectiva.
2.3. Impacto social y cultural de los medialabs.
2.4. Arte digital y procomún.
2.5. Autoría colectiva y propiedad intelectual.
2.6. El arte después del contagio con la tecnología y viceversa.
2.7. Estrategias emergentes de relación entre la producción y difusión artística y el mundo digital.
2.8. Políticas para la supervivencia: instituciones versus creadores independientes.
2.9. Tecnologías y poéticas de las prácticas artísticas actuales.
2.10. Gestión del patrimonio artístico digital.

Línea 3: Indexando emociones. Humanos del siglo XXI, simbiontes de la tecnología

3.1. Interferencias e intersecciones entre Arte, Ciencia, Tecnología y Sociedad.
3.2. Conexiones sociales, puentes tecnológicos e intervención urbana.
3.3. Humanización y tecnología.
3.4. Realidades que no comprenden la ausencia tecnológica.
3.5. Espacios, públicos y culturas digitales en la calle: Intervenciones artísticas digitales en y desde la ciudadanía.

As instrucións e bases para o envío destes artigos pódense consultar nesta páxina.

Tal como explican na súa web, USE_lab é un grupo multidisciplinar xurdido a raíz do proxecto de investigación de I+D+I titulado “El papel del medialab en la Cultura Digital: nuevos espacios de creación colaborativa interdisciplinar en el sistema ACTS (Arte, Ciencia, Tecnología y Sociedad”, dirixido por Yolanda Spínola e financiado polo Ministerio de Ciencia e Innovación do goberno de España. (REF. HAR2009-14667). Este proxecto desenvólvese a través da Universidad de Sevilla durante o período 2010.2012. Colabora con institucións como o Massachussetts Institute of Techonology dos EUA ou a rede de medialabs europeos LabtoLab.

‘Hybrid Spaces’: a teoría literaria hispánica reflexiona sobre as obras culturais que van máis alá do libro

O volume 9 da revista Hispanic Issues Online, do Departament of Spanish and Portuguese Studies da Universidade de Minnesotta, vén de publicarse na rede co título Hybrid Storyspaces: Redefining the Critical Enterprise in Twenty-First Century Hispanic Literature, editado por Christine Henseler e Debra A. Castillo. Canda el, as autoras habilitaron un espazo web no que continuar este traballo de reflexión, aberto a novas contribucións.

Tal e como apuntan no prólogo do volume, “o obxectivo de Hybrid Storyspaces é contribuír a repensar a teoría e práctica literaria hispánica e transnacional, tendo en conta a evolución das formas literarias do noso tempo. Examinamos as contrituvión á teoría e á práctica suxeridas por novos e híbridos espazos para contar historias, incluíndo os efectos na narrativa dos novos medios televisivos e cibernéticos (YouTube, blogs, Google maps, Yahoo Jukebox), novos xéneros (novelas videoclip, ficción zapping, docuficción, hipertexto), novos procesos (mashups, mapping, sampling, remixing) e novos foros críticos (blogs, páxinas web, vídeos, publicacións open-source).”

E engaden: “Mentres os artigos deste volume se centran sobre todo na importancia dos novos medios nos medios impresos, aínda que non exclusivamente, non pode seguir a sorprendernos que algunhas das máis excitantes e innovadoras obras culturais non se atoparán nunca nas páxinas dun libro; no canto diso, estárán dispoñibles para ver e descargar, en milleiros de sitios, a unha extensa e agradecida (se está altamente segmentada) audiencia potencial. Claramente “a internet” serve como taquigrafía dunha serie de tecnoloxías e formas artísticas que agora se fixeron populares en moitos círculos dos últimos vinte anos para acóo. Con todo, tales avances e formas foron relativamente pouco estudadas nos estudos literarios ou culturais do programas de Hispanismo, aínda que representan un fenómeno que, nas súas diferentes e ás veces problemáticas formas, atrae grandes debates non só asobre a forma cambiante da tecnoloxía, senón tamén sobre o acceso comparativo, a identidade e os proxectos culturais nacionais”.

A publicación está dividida en tres partes: Na primeira, titulada Creative Code-Switching contribúen Jorge Carrión (“The Bicephalous Writer: The Commingling of the Creative Writer and the Critic in a Single Body”, Germán Sierra (“PostDigitalism in Contemporary Spanish Fiction”), Edmundo Paz Soldán (“Cristina Rivera Garza’s Tweets”), Doménico Chiappe (“Enveloping Literature and Othes Challenges to the Multimedia Author”) e Rosina Conde (“Twenty Years of Internet Exploration”).

Na segunda parte, Technologies of Production and Consumption, escriben Agustín Fernández Mallo (“Topological Time in Proyecto Nocilla [Nocilla Project] and Postpoesía [Post-poetry] (and a brief comment on the Exonovel)”), Vicent Moreno (“Breaking the Code: “Generación Nocilla,” New Technologies, and the Marketing of Literature”), Virginia Newhall Rademacher (“The Art of Seduction: Truth or Fanfiction in the World of Lucia Etxebarria’s Online ‘Friends’ and the Blogosphere”), José Enrique Navarro (“You’ll Never Write Alone: Online Sharing Economy and the New Role of the Reader”) e Laura Borràs (“E-literature in Bytes and in Paper.The Digital Revolution inContemporary Literature from Spain”).

Na terceira e última parte, Remixing and Recycling Narrative Bits and Bytes, participan Andrew Brown (“An Archaeology of Digital Aesthetics: Musical Sampling in Rodrigo Fresán’s Señales captadas en el corazón de una fiesta“), Claire Taylor (“Post-Digital Remixes and Carnavalesque Relinkings: Eduardo Navas’s Goobalization”), Irene Depetris Chauvin (“Voice, Music and the Experience of the Neutral in Martín Rejtman’s Fictions”), Eduardo Ledesma (“Close Readings of the Historic and Digital Avant-Gardes: An Archeology of Hispanic Kinetic Poetry”) e Tori Holmes (“The Travelling Texts of Local Content: Following Content Creation, Communication and Dissemination via Internet Platforms in a Brazilian Favela”).

Como engadido, Luis Martín-Estudillo e Stephanie A. Mueller publican un ensaio titulado “Afterword: A Bookless Literature?”.