Arquivos da etiqueta: Estados Unidos

‘Software Takes Command’: o novo libro de Lev Manovich, accesible na rede

Software Takes CommandO teórico ruso Lev Manovich, autor da imprescindible obra The Language of New Media (2001, publicada en español por Paidós), regresa cun novo libro onde afonda nos conceptos apuntados nos seus traballos anteriores. O título é Software Takes Command e pubícao Bloomsbury, que ofrece unha versión dixital gratuíta para a súa consulta na web.

Na introdución do libro explícasenos como o software veu sustituir unha variedade de tecnoloxías físicas, mecánicas e electrónicas que se usaban antes do século XXI para crear, gardar, distribuír e interactuar con artefactos culturais. Converteuse na nosa interface co mundo, cos outros, coa nosa memoria e a nosa imaxinación: unha linguaxe universal a través da cal o mundo fala, e un motor universal sobre o que corre o mundo. O que a electricidade e o motor de combustión foron para os comezos do século XX, o software éo para os do século XXI. Con esta premisa, no libro Manovich ofrece a primeira aproximación teórica e histórica ao software para a creación nos medios e os seus efectos no concepto mesmo de “medios”.

Pódeselle botar un ollo ao libro enteiro aquí:

‘We Think Alone’, o novo proxecto epistolar de Miranda July

we-think-alone2A artista norteamericana Miranda July, que leva anos experimentando con distintos tipos de textualidades que van do cinema á literatura, á performance ou aos new media, lanzou a comezos deste mes o seu último proxecto, titulado We Think Alone. Trátase dunha obra que usa como medio principal o correo electrónico, e que consiste no envío a aquelas persoas que o soliciten dunha compilación de e-mails privados pertencentes a 20 personalidades do mundo da cultura nos Estados Unidos. Entre elas, cineastas como Lena Dunham, escritores como Etgar Keret, actrices como Kirsten Dunst ou deportistas multidisciplinares como Kareem Abdul-Jabbar.

Cada semana o lector recibirá un correo de Miranda July cun tema diferente. Ata agora os tres primeiros temas foron: un correo sobre diñeiro, un correo que dea consello e un correo que mencione a Barack Obama. O que pode quen reciba cada email é unha selección de mensaxes que os seus propietarios lle proporcionaron a July. Todos tiñan que ser de datas anteriores ao 11 de noviembre do ano pasado e ser reais. O interese, segundo July, reside en coñecer mellor estes personaxes fedellando (co seu permiso) no seu correo, vendo como falan de temas que normalmente non son dos que se adoitan en público. Así o explica a autora:

I’m always trying to get my friends to forward me emails they’ve sent to other people — to their mom, their boyfriend, their agent — the more mundane the better. How they comport themselves in email is so intimate, almost obscene — a glimpse of them from their own point of view. WE THINK ALONE has given me the excuse to read my friends’ emails and the emails of some people I wish I was friends with and for better or worse it’s changed the way I see all of them. I think I really know them now. But our inner life is not actually the same thing as our life on the computer — a quiet person might !!!! a lot. A person with a busy mind might write almost nothing. And of course while none of these emails were originally intended to be read by me (much less you*) they were all carefully selected by their authors in response to my list of email genres — so self-portraiture is quietly at work here. Privacy, the art of it, is evolving. Radical self-exposure and classically manicured discretion can both be powerful, both be elegant. And email itself is changing, none of us use it exactly the same way we did ten years ago; in another ten years we might not use it at all. Thank you to Kareem, Kirsten, Sheila, Danh, Lee, Etgar, Kate, Laura, Lena and Catherine for their daring and diligence.

Tal e como comenta a revista dixital Rhizome, non se trata da primeira obra de arte dixital que utiliza como elemento textual fundamental o correo electrónico: así o fixo tamén o proxecto Life Sharing que fixeron en 2001 Eva e Franco Mattes. Vendo un e outro proxecto pódense aprezar as diferenzas de 12 años no uso do correo electrónico, en termos de conectividade e sobre todo da forma en que cada persoa proxecta a súa identidade no medio. Deste xeito, no caso de July, tamén se tematiza a privacidade e a celebridade, e cómo personaxes públicas proxectan as súas distintas identidades privadas en segundo qué tipo de conversación por e-mail.

O experimento está comisariado pola galería Magasin 3 de Estocolmo e prolongarase durante un total de 20 semanas, ata o 11 de novembro de 2013. Calquera persoa pode solicitar recibir os e-mails en calquera momento, pero só recibirá os que se produzan a partir da súa suscrición, sen poder recuperar os anteriores.

Interactive Storytelling Symposium 2013

interactivestorytellingA semana que vén dá comezo un dos máis importantes congresos de narrativa dixital do mundo, o Interactive Storytelling Symposium 2013, que ten como lema este ano Inventing the Future of Games. Celébrase no Computer History Museum en Mountain View, California, e nel participan os máis destacados investigadores e guionistas de videoxogos e outras creacións interactivas.

Tal e como explican no blog do simposio, “os xogos teñen o poder de transformar o xeito en que contamos historias. Porque son sistemas interactivos, os xogos poden contar historias a través do deseño de intelixencia artificial, ou a través de múltiples plataformas, ou de maneira procedural, abrindo novas tecnoloxías para que os autores poidan converter as súas historias en experiencias totalmente novas.

No simposio afondaremos nas distintas tecnoloxías e deseños de xogos que permitn novas formas de crear e transmitir narrativas. Para iso xuntamos as persoas que máis saben do mundo deste tema, tando desde a esfera académica como da industria dos videoxogos, os que están levando cada día os límites da narrativa interactiva un pouco máis alá. Entre eles, Warren Spector, Susan Bonds (cofundadora de 42 Entertainment, detrás de proxectos transmedia recoñecidos internacionalmente coma Why So Serious?, Year Zero ou The Human Preservation Project), Kevin Bruner, Stéphane Bura, Clint Hocking, Asa Kalama (Disney), Richard Rouse, Tawny Schlieski  (Intel Labs) ou Emily Short.Organiza o Center for Games and Playable Media da UC Santa Cruz.

‘Hybrid Spaces’: a teoría literaria hispánica reflexiona sobre as obras culturais que van máis alá do libro

O volume 9 da revista Hispanic Issues Online, do Departament of Spanish and Portuguese Studies da Universidade de Minnesotta, vén de publicarse na rede co título Hybrid Storyspaces: Redefining the Critical Enterprise in Twenty-First Century Hispanic Literature, editado por Christine Henseler e Debra A. Castillo. Canda el, as autoras habilitaron un espazo web no que continuar este traballo de reflexión, aberto a novas contribucións.

Tal e como apuntan no prólogo do volume, “o obxectivo de Hybrid Storyspaces é contribuír a repensar a teoría e práctica literaria hispánica e transnacional, tendo en conta a evolución das formas literarias do noso tempo. Examinamos as contrituvión á teoría e á práctica suxeridas por novos e híbridos espazos para contar historias, incluíndo os efectos na narrativa dos novos medios televisivos e cibernéticos (YouTube, blogs, Google maps, Yahoo Jukebox), novos xéneros (novelas videoclip, ficción zapping, docuficción, hipertexto), novos procesos (mashups, mapping, sampling, remixing) e novos foros críticos (blogs, páxinas web, vídeos, publicacións open-source).”

E engaden: “Mentres os artigos deste volume se centran sobre todo na importancia dos novos medios nos medios impresos, aínda que non exclusivamente, non pode seguir a sorprendernos que algunhas das máis excitantes e innovadoras obras culturais non se atoparán nunca nas páxinas dun libro; no canto diso, estárán dispoñibles para ver e descargar, en milleiros de sitios, a unha extensa e agradecida (se está altamente segmentada) audiencia potencial. Claramente “a internet” serve como taquigrafía dunha serie de tecnoloxías e formas artísticas que agora se fixeron populares en moitos círculos dos últimos vinte anos para acóo. Con todo, tales avances e formas foron relativamente pouco estudadas nos estudos literarios ou culturais do programas de Hispanismo, aínda que representan un fenómeno que, nas súas diferentes e ás veces problemáticas formas, atrae grandes debates non só asobre a forma cambiante da tecnoloxía, senón tamén sobre o acceso comparativo, a identidade e os proxectos culturais nacionais”.

A publicación está dividida en tres partes: Na primeira, titulada Creative Code-Switching contribúen Jorge Carrión (“The Bicephalous Writer: The Commingling of the Creative Writer and the Critic in a Single Body”, Germán Sierra (“PostDigitalism in Contemporary Spanish Fiction”), Edmundo Paz Soldán (“Cristina Rivera Garza’s Tweets”), Doménico Chiappe (“Enveloping Literature and Othes Challenges to the Multimedia Author”) e Rosina Conde (“Twenty Years of Internet Exploration”).

Na segunda parte, Technologies of Production and Consumption, escriben Agustín Fernández Mallo (“Topological Time in Proyecto Nocilla [Nocilla Project] and Postpoesía [Post-poetry] (and a brief comment on the Exonovel)”), Vicent Moreno (“Breaking the Code: “Generación Nocilla,” New Technologies, and the Marketing of Literature”), Virginia Newhall Rademacher (“The Art of Seduction: Truth or Fanfiction in the World of Lucia Etxebarria’s Online ‘Friends’ and the Blogosphere”), José Enrique Navarro (“You’ll Never Write Alone: Online Sharing Economy and the New Role of the Reader”) e Laura Borràs (“E-literature in Bytes and in Paper.The Digital Revolution inContemporary Literature from Spain”).

Na terceira e última parte, Remixing and Recycling Narrative Bits and Bytes, participan Andrew Brown (“An Archaeology of Digital Aesthetics: Musical Sampling in Rodrigo Fresán’s Señales captadas en el corazón de una fiesta“), Claire Taylor (“Post-Digital Remixes and Carnavalesque Relinkings: Eduardo Navas’s Goobalization”), Irene Depetris Chauvin (“Voice, Music and the Experience of the Neutral in Martín Rejtman’s Fictions”), Eduardo Ledesma (“Close Readings of the Historic and Digital Avant-Gardes: An Archeology of Hispanic Kinetic Poetry”) e Tori Holmes (“The Travelling Texts of Local Content: Following Content Creation, Communication and Dissemination via Internet Platforms in a Brazilian Favela”).

Como engadido, Luis Martín-Estudillo e Stephanie A. Mueller publican un ensaio titulado “Afterword: A Bookless Literature?”.

O Instituto Franklin organiza un congreso en Alcalá de Henares sobre e-literatura e arte virtual

O Instituto Franklin e a Universidade de Alcalá de Henares organizan este ano a First International Conference on Electronic Literature and Virtual Art, un congreso onde investigadores de todo o mundo compartirán as súas últimas pesquisas en literatura electrónica, e-poesía, ciberdrama, narrativas dixitais e obras artísticas do new media, os días 4,5 3 6 de outubro deste 2012.

O tema do congreso é A humanists enquiry into the digital field, e haberá tres áreas principais de discusión: a) Literatura electrónica nos Estados Unidos, Latinoamérica e Europa; b) o ensino da literatura electrónica e as funcións pedagóxicas do hipertexto, con especial atención nas metodoloxías, estratexias e prácticas para levar a cabo nas aulas; c) xénero e identidade no ciberespazo: ciberactivismo, postfeminismo e como as políticas de xénero, identedade e sexo son reflectidas nas obras de literatura electrónica.

Outros posibles asuntos de interese son: literatura electrónica e sustentabilidade, a raza na literatura electrónica / ciberespazo, os videoxogos, os webcomics, os problemas relativos a gardar, arquivar e preservar a literatura electronica, e tamén serán benvidas propostas de actividades para a rede de investigación, como proxectos de arquivo, publicacións, facer unha revista, recuros pedagóxicos, etc.

A data límite para o envío de propostas é o 30 de maio do 2012. O 15 de xuño notificarase a aceptación das mesmas. As linguas do congreso será o inglés e o castelán, aínda que a lingua de uso preferente será o inglés. O congreso celebrarase en Alcalá de Henares (Madrid) do 4 ao 6 de outubro. Máis información na web do congreso.

Retrospectiva e estado da arte na exhibición sobre e-Lit que organiza o MLA en Seattle

Nada máis comezar o 2012 Modern Language Association organiza a súa 127ª convención anual, na que este ano terá unha importante presenza a literatura electrónica. Será unha exhibición que acompañará a convención entre os días 5 e 8 de xaneiro, e na que se mostrarán máis de 160 traballos feitas por artistas que crean obras literarias que empregan os medios dixitais nas súas diferentes formas e combinacións, como o vídeo, a animación, o son, os mundos virtuais ou as instalacións multimedia, tanto para os escritorios dos ordenadores como para os teléfonos móbiles, ou mesmo a performance ao vivo.

En palabras da organización, estas obras foron coidadosamente seleccionadas polos curadores porque representan unha encrucillada entre as nativas dixitais, de países como Brasil, Canadá, Australia, Suecia, UK, USA e España, e subliñan a arte literarias producida dende os últimos 80s ata o presente. Así, a exposición pretende facilitarlles aos académicos das Humanidades a oportunidade de experimentar, de primeira man, esta forma emerxente de literatura, unha que dende a MLA ven como unha importante forma de expresión no que J.D. Bolter chama “a última etapa da imprenta”.

As comisarias da mostra son Dene Grigar, Lori Emerson e Kathi Inman Berens. Tal e como explican na súa declaración, na súa selección atópanse obras de poesía, ficción, non ficción, drama, diarios e ensaios que ofrecen un sofisticado uso da linguaxe, (como acontece nas obras de Stephanie Strickland The Ballad of Sand and Harry Soot ou Cruising de Ingrid Ankerson e Megan Sapnar), que tratan temas comúns á experiencia humana, como a morte dun ser amado (como no Afternoon: a story de Michael Joyce) ou o poder destrutivo da natureza (como en Blue Velvet de David Theo Goldberg e Stefka Hristova) e nos obrigan a pensar profundamente sobre comportamento humano (como no Suicide in an Airplane de Brian Kim Stefans ou “Shy Boy” de Thom Swiss). Igual que Henry Jenkins, nós tamén pensamos que os videoxogos teñen o potencial do literario e poden ser “unha forma de arte seria por propio dereito”. Nesta liña, as obras “A Slow Year” de Ian Bogost, “Ad Verbum” de Nick Montfort e “>>oh<<" de einer Strasser, Dan Waber, and Jennifer Hill-Kaucher, incluídas nesta exposición, demostran estra premisa.

Festival E-Poetry en Buffalo

A cidade norteamericana de Buffalo acolle do 18 ao 21 de maio a décima edición do festival E-Poetry 2011, un dos que marca as pautas na innovación das artes e linguaxes dixitais no mundo. Con edicións previsas en West Virginia, Londres, París e Barcelona, o festival leva definido internacionalmente a poética literaria dixital. Creou unha liña continua de investigación que abarca a performance, a experimentación e intercambios académicos e artísticos.

Estarán presentes os autores e investigadores máis importantes a dia de hoxe da literatura electrónica, como Alan Bigelow, Nick Monfort, Mark Marino, Lori Emerson, Wilton Azevedo, Talan Memmott ou Loss Pequeño Glazier. Procedentes de España e Portugual estarán autores como Manuel Portela, Belén Gache ou Eugenio Tisselli. O programa completo está dispoñible en pdf.

No seu 10º aniversario, o festival proponse iniciar unha nova era na literatura dixital. Desde os seus comezos, E-Poetry foi pioneiro no seu eido e creceu con máis forza en cada edición. A do 2011 aspira a marcar a culminación dos seus primeiros dez anos e estabelecer un modelo para futuros festivais. Busca avanzar o diálogo do dixital cara a unha escena comprometida coa actividade académica á que o campo se presta.