Arquivos da etiqueta: Manuel Portela

Comeza en París o congreso e festival de literatura electrónica ‘Chercher le Texte’

Chercher le texteA capital francesa acolle esta semana o novo encontro da Electronic Literature Organization (ELO), que co título Chercher le Texte reunirá expertos e creadores de literautra dixital de todo o mundo en torno a un festival, unha exposición e un congreso.

O título do congreso é “Chercher le Texte: Locating the Text in Electronic Literature”, e parte da premisa de que a literatura electrónica é definida explicitamente como literatura, e aínda así hai unha gran confusión sobre o concepto de texto que opera nela. Por iso cabe preguntarse que define a textualidade de xogos, obras visuais ou obras con ningunha linguaxe evidente, e do que se trata é de “buscar o texto” para definir a literaridade da literatura electrónica.  Así o formulaban na chamada científica:

“Over the past two decades, while numerous creative and critical movements have taken hold within and without academia, creators have been newly conceiving, and scholars resituating, literary works in new media. Early warnings that we might all get “lost in hyperspace” were overcome fairly easily – perhaps too easily when one considers that our first, most challenging conceptions of electronic writing have never quite been realized. Is there a way to mark the multiplicity of new writing in new media? Can commonalities and distinctions among emerging literary practices be noted? Are there new possibilities for language-based forms in programmable media? Can scholarly discussions surrounding works be carried on over time and among various groups, in the media where the works are generated?

ELO 2013 seeks to open the discussion beyond the remediation of literary writing from print to screens, by looking at ways that literary works, and “literariness” generally, circulates through a world system that has itself altered dramatically in the years since the first works of e-lit were produced. New media, from this perspective, are just the most visible instance of emerging economic, social systems, remediations, and subjectivities that impact literary production (as they impact our lives) from every side. New media are now being described, and re-imagined, in terms of new materialisms; discourse networks find new and different alignments within and without institutions, and both human agency and authorial presence have taken on new and sometimes strange forms.”

Nesta parte académica participan expertos como Philippe Bootz, Douglas Duteil, Alexandra Saemmer, Agnieszka Przybyszewska, Elodie Bertrand ou Jean-Philippe Humblot, do ámbito francófono, canda outros como Nick Monfort, Manuel Portela ou Mark Marino. Pódense ver os títulos de todas as ponencias e autores no programa do congreso. Pola parte hispánica participarán Begoña Regueiro, Miriam Llamas e Amelia Sanz coa ponencia “New literatures for a new imaginary: some hispanic case studies”, Bryan Barrachina (“Bryan Barrachina, “Tierra de Extracción: How Hypermedia Novels could enhance Literary Assessment”) e Laura Borrás e Isaías Herrero à(“Real-Time Digital Poetry Experiments with Xbox Kinect”).

 

 

 

 

Número 5 da Revista Cibertextualidades: ‘Electronic Publishing Models for Experimental Literature’

cibertextualidades_vol5A revista Cibertextualidades, editada pola Universidade Fernando Pessoa do Porto (Portugal) e dirixida polo profesor Rui Torres, vén de publicar o seu número 5, correspondente a 2013, baixo o título Electronic Publishing Models for Experimental Literature. O propio Rui Torres e mais Manuel Portela son os coordenadorse deste número, que afronta os problemas da representación, arquivo e publicación das formas literarias experimentais nos espazos dixitais. Inclúe comunicacións escritas en portugués, francés e inglés sobre procesos e métodos para a representacón, preservación e difusión das prácticas literarias intermediais e multimediais usando sistemas de arquivos dixitais.

No epígrafe “Visuality and Intermediality in Experimental Literature” atopamos un artigo de Jorge dos Reis titulado Critérios fundadores da poesia tipográfica e outro de Eduardo Paz Barroso co título Palavra e pintura em trocas de papéis. Concretismo, experimentalismo e artes plásticas em Portugal. No apartado sobre “Combination and Generativity in Cyberliterature” temos tres comunicacións: Vers une ontologie du domaine de la poésie numérique, de Philippe Bootz & Samuel Szoniecky, A Literatura Factorial [l!] de  Álvaro Seiça, e Barroquismos Digitais de Otávio Guimarães Tavares. O epígrafe máis extenso titúlase “Digital Archives and Electronic Publishing Models” e nel escriben Johanna Drucker (Modelando a funcionalidade: do códice ao livro electrónico), Philippe Bootz, Samuel Szoniecky e Abderrahim Bargaoui (Entité / identité. Un outil d’indexation des documents relatifs à la poésie numérique), Serge Bouchardon e Bruno Bachimont (Preservation of digital literature: from stored to reinvented memory), Isabel Pinto ((Un)Certain Editing) e Isabel Lourenço (Da Imaginação à concretização: representação e leitura em The William Blake Archive). No capítulo de Teses aparece o artigo Conhecimento científico em hipermídia: uma proposta de análise metodológica, de Érica Masiero Nering, e no apartado de proxectos Scott Rettberg presenta a ELMCIP Electronic Literature Knowledge Base.

A revista enteira está dispoñible para a súa descarga en pdf, a través desta páxina, onde tamén se poden ler os resumos de cada un dos artigos publicados.

Ao mesmo tempo, o sexto número de Cibertextualidades xa se está preparando e ten aberta a convocatoria para enviar artigos ata o día 31 de xullo de 2013. Os coordinadores son Rui Torres e Débora Santos e Silva, e o tema xeral é a Interacção de linguagens e convergência dos média nas poéticas contemporâneas.

 

“Cibercartografías de la ciudad. ‘Arquitecturas líquidas en el ciberespacio'”, artigo de Mª Teresa Vilariño na revista Romance Notes

A revista Romance Notes vén de publicar o seu número 51.3, de 2011, que contén catro artigos dedicados a “Literature and Media” seleccionados por Rui Torres e escritos por Débora Silva, Pedro Reis, Manuel Portela e María Teresa Vilariño Picos, membro do proxecto Le.es. O título do artigo escrito por esta profesora da USC é “Cibercartografías de la ciudad. ‘Arquitecturas líquidas en el ciberespacio'”, e nel fala da importancia dos mapas na narrativa e poéticas dixitais, da aparición de anti-narrativas e de alternativas artísticas descentradas que fan repensar o tema do espazo nas obras literarias, a partir dos espazos virtuais e dos cibertextos.

Na rede pódese ser un fragmento deste artigo, e dos outros textos que compoñen o último número de Romance Notes. No caso de Débora Silva trátase do texto titulado “Un Coup de Dés: la lyrique à venir”, no que fala da técnica poética usada por Mallarmé (elipse, discontinuidade, fragmentación), e o concepto de constelación que lle acae moi ben aos novos tipos de textos actuais. Pedro Reis asina un artigo titulado “Primórdios da poesia em computador – anos 60, 70 e 80 do século XX”, no que fai unha xenealoxía da poesía feita con ordenadores, amosando exemplos dos anos 60 e 70. O artigo de Manuel Portela titúlase “Between Code and Motion: Generative and Kinetic Poetry in French, Portuguese, and Spanish”, fala das ferramentas de autoría electrónica e a súa relación co propio autor, e os beneficios do estudo da literatura electrónica á hora de analizar as relacións entre discurso, código, significado e cultura.