Arquivos da etiqueta: narrativa

Zaragoza acolle o I Salón de Literatura Transmedia

O I Salón de Literatura Transmedia celébrase esta fin de semana en Zaragoza, no marco do proxecto de fomento de industrias de contidos dixitais TransmediaZ. Nel participan, entre outros, Paula Ortiz, Agustín Fernández Mallo, Eloy Fernández Porta, Manuel Vilas, Begoña Oro, Fernando Marías, David Lozano, Laura Borràs ou a Fundación Germán Sánchez Ruipérez

Entre os obxectivos deste salón están o de acercarlles aos cidadáns as novas narrativas xurdidas no ámbito dixital a partir da converxencia entre os distintos medios e a aparición de novas prácticas sociais e culturais asociadas a eles, favorecer a divulgación de novos contidos e interfaces para o entretemento e a educación e darlles visibilidade aos editores e escritores que innovan e experimentan coas novas formas narrativas que xorden na intersección da literatura e as novas tecnoloxías.

O programa está composto por seminarios onde se dará conta de casos de estudo en torno á narrativa transmedia, como o proxecto “Bodas de sangre” de Paula Ortiz, talleres destinados á aplicación de relatos transmedia na educación, contacontos e mesas de debate e experiencias nas que se falará do lector dixital, do papel do lector ou dos novos camiños para a novela.

Pódese descargar o programa completo na web de TransmediaZ.

Ferramentas para a escrita de relatos dixitais

GenarratorAta o de agora os escritores que se aventuraron co soporte dixital para a súa creación literaria tiñan que botar man dos seus coñecementos máis básicos ou máis avanzados de linguaxes coma o HTML, o Flash, o Java… Moitos dos que temos no noso catálogo atenden ao perfil de creadores con competencias importantes nestas disciplinas. Mais nos últimos anos veñen creándose novos programas e aplicacións web que permiten crear un discurso avanzado en canto ás posibilidades do medio sen ter que preocuparse pola programación, só polo contido e por sacarlle o máximo partido á linguaxe dixital dende o punto de vista narrativo.

Un dos últimos en aparecer é Genarrator, un proxecto da Bournemouth University para crear unha ferramenta gratuíta e accesible desde calquera ordenador, coa que os usuarios poden aprender a deseñar e editar de xeito doado narracións interactivas e publicalas, na propia web do programa. Permite editar texto e imaxes, vídeo, animación e son, e traballar de xeito hipertextual calquera destes elementos, así como xogar co tempo e o modo en que aparece cada elemento dentro da narrativa. Tan importante ou máis é o feito de que Genarrator facilita o proceso anterior á edición, o do deseño e arquitectura do texto interactivo, coa ferramenta do site-map, que é o esquema das distintas páxinas que forman o relato e como se relacionan entre elas.

A web de Genarrator vai almacenando os relatos que se crean con ela, e que se poden explorar. A maior pega desta ferramenta é que polo de agora só funciona en Flash, co cal as obras resultantes carecen de código fonte e quedarán axiña obsoletas nun entorno no que o HTML5 é o estándar da web aberta.

De feito, a aparición de HTML5 permitiu nos últimos anos a aparición de ferramentas abertas para que persoas sen coñecementos de programación poidan facer os seus propios relatos interactivos. A maioría delas están orientadas ao vídeo, algunhas de xeito máis concreto ao webdocumental. É o caso de Klynt, Zeega, Popcorn Maker, Storyplanet3WDOC, Conductrr, Galahad ou o pioneiro Korsakow.

En 2012 María Yáñez (do proxecto Le.es) e mais Eva Domínguez presentaron no II Simposio I-Docs en Bristol un panel comparando tres destas ferramentas: Popcorn Maker, 3WDOC e Klynt. Dende aquela as ferramentas avanzaron moito e, como dicimos, apareceron outras novas, mais este cadro dá unha boa idea do que poden e non poden facer softwares de edición coma os mencionados polos narradores dixitais que non saiban nin teñan tempo de aprender a programar:

Santiago Ortiz homenaxea a Rayuela, o ‘libro-rede’, no seu 50 aniversario

rayuelaSempre se considerou Rayuela, de Julio Cortázar, como a primeira novela de lectura non lineal. Estes días celébrase o 50 aniversario da súa publicación orixinal, e o o artista colombiano Santiago Ortiz, coñecido polos seus traballos de visualización de datos e narrativa interactiva, propúxose homenaxeala creando unha interface de lectura na web.

Trátase dun dispotivo visual e interactivo que permite ler a novela das dúas formas posibles (cando menos) que formulou Cortázar no seu día:  de xeito convencional, nunha orde consecutiva de capítulos; ou saltando capítulos seguindo a ruta proposta polo autor. Tal como recorda Ortiz na súa web, Cortázar propuña na introdución os modos de lectura:

“A su manera este libro es muchos libros, pero sobre todo es dos libros.
El primero se deja leer en la forma corriente, y termina en el capítulo 56, al pie del cual hay tres vistosas estrellitas que equivalen a la palabra Fin. Por consiguiente, el lector prescindirá sin remordimientos de lo que sigue.
El segundo se deja leer empezando por el capítulo 73 y siguiendo luego en el orden que se indica al pie de cada capítulo. En caso de confusión u olvido, bastará consultar la lista siguiente: 73, 1, 2, 116, 3, 84, 4, 71, 5, 81, 74, 6, 7, 8, 93, 68, 9, 104, 10, 65, 11, 136, 12, 106, 13, 115, 14, 114, 117, 15, 120, 16, 137, 17, 97, 18, 153, 19, 90, 20, 126, 21, 79, 22, 62, 23, 124, 128, 24, 134, 25, 141, 60, 26, 109, 27, 28, 130, 151, 152, 143, 100, 76, 101, 144, 92, 103, 108, 64, 155, 123, 145, 122, 112, 154, 85, 150, 95, 146, 29, 107, 113, 30, 57, 70, 147, 31, 32, 132, 61, 33, 67, 83, 142, 34, 87, 105, 96, 94, 91, 82, 99, 35, 121, 36, 37, 98, 38, 39, 86, 78, 40, 59, 41, 148, 42, 75, 43, 125, 44, 102, 45, 80, 46, 47, 110, 48, 111, 49, 118, 50, 119, 51, 69, 52, 89, 53, 66, 149, 54, 129, 139, 133, 140, 138, 127, 56, 135, 63, 88, 72, 77, 131, 58, 131″

Un ‘Ulises cibernético’ para celebrar o Bloomsday

ulisescibernetico

Como todos os 16 de xuño os afeccionados á literatura e en concreto os seareiros de James Joyce prepáranse para celebrar o Bloomsday, o día no que transcorre a acción protagonizada por Leopold Bloom na novela Ulises. Dublín adoita a ser a capital das actividades deste día, aínda que tamén se realizan noutas cidades do mundo, e cada vez máis Internet é o escenario complementario para comemoración do Bloomsday, a través das redes sociais.

Este ano o creador e investigador en literatura electrónica Jaime Alejandro Rodríguez Ruiz propón levar a actividade un pouco máis aló co proxecto Ulises Cibernético, que pretende unir a todos os creadores e afeccionados á literatura a un experimento de narrativa dixital colectiva a tavés de Wikispaces, Twitter, Facebook e blogs.

As persoas interesadas en participar deben apuntarse no Wikispaces do proxecto. Aquí Jaime A. Rodríguez explica nun tutorial de vídeo como facelo:

Ademais neste pdf podemos atopar a guía de como funcionará Ulises Cibernético. Reproducímola aquí debaixo e quedamos á expectativa de ver como se resolve este experimento narrativo e de celebración literaria.


Fecha del evento: 16 de junio
 
Página del Proyecto: http://www.facebook.com/UlysesCibernetico
 
Página wiki para publicaciones: http://ulysescibernetico.wikispaces.com/
 
Hashtag para divulgar la actividad: #ulysesciber
 
Posibilidades de participación:
 
1. Para garantizar una participación global: invitar al proyecto conocidos en otros países (tratar de cubrir todas las zonas horarias)
 
2. Preparar un blog (o sitio web) para recibir ese día los distintos aportes. Se ha propuesto como modo de publicación que cada partipante cuente con acceso como autor del blog. En caso necesario, se podría delegar ese acceso a un “administrador” del blog
 
3. Identificar “héroes cibernéticos” para entrevistarlos ese día o publicar la entrevista ese día
 
4. Identificar sitios, aplicaciones, textos, movimientos, colectivos que puedan considerarse parte de los heroísmos del siglo xxi, para reseñarlos ese día o publicar la reseña ese día.
 
El 16 de junio
 
1. Registrar en vídeo o en fotografía la actividad en pantallas interactivas que cada uno considere que es lo típico suyo y publicarlo en el blog
 
2. Una variante es: captar en video o en fotografía mediante la función print script la actividad directa en la pantalla del computador o del dispositivo móvil (se sugiere visitar 
esta pagina donde se ofrecen opciones de programas gratis http://www.emezeta.com/articulos/18-programas-gratis-para-capturar-pantalla-en-video) y publicarlo en el blog
 
3. Transmitir en directo, mediante tecnología stream la actividad típica de cada uno (se sugiere informar sobre la transmisión en twitter, usando el hashtag #ulysesciber)
 
4. Narrar en audio un relato literario y publicarlo como podcast en el blog
 
5. Escribir un relato y publicarlo en el blog
 
Nota: Se sugiere informar y difundir todas estas actividades en Twitter, usando el hashtag #ulysesciber
 
Post 16 de junio
 
1. Edición de los distintos registros
 
2. Desarrollo de otros productos basados en los insumos del 16 de junio 

 

 

Steven Soderberg escribe unha novela en Twitter

bichtuationO director norteamericano Steven Soderbergh, despois de anunciar en varias ocasións que se retira do cine, comeza a explorar outros soportes para contar historias, e dende hai unhas semanas ten en marcha un experimento narrativo en Twitter. Trátase dunha novela de misterio titulada Glue que se vai publicando en forma de tuits desde a conta @Bitchuation, que o propio Soderbergh confirmou que era del, e no momento de publicar este artigo conta con algo máis de once mil seguidores.

Narrada en segunda persoa, a novela conta como unha persoa (“ti”, ou sexa, o usuario) presencia o seu propio funeral e vese envolta nunha viaxa que a levará a percorrer distintas capitais europeas para atopar un obxecto ou substancia perigosa chamada, e vaise encontrando con distintos personaxes, incluída unha femme fatal de nome D. Trátase de aforrar caracteres e tamén os elementos da historia que poidan estar de máis para destilar un estilo literario que segundo algúns críticos recorda a Dashiel Hammet, Samuel Beckett e algo da noveau roman dos anos 50, pero non se desliga do pulso narrativo dos filmes de Soderberth.

Algúns usuarios da ferramenta Storify (que permite construír relatos lineais a partir do que se produce nas redes sociais) están a ordenar os tuits de @Bitchuation de xeito que se pode ler Glue desde o comezo.

Interactive Storytelling Symposium 2013

interactivestorytellingA semana que vén dá comezo un dos máis importantes congresos de narrativa dixital do mundo, o Interactive Storytelling Symposium 2013, que ten como lema este ano Inventing the Future of Games. Celébrase no Computer History Museum en Mountain View, California, e nel participan os máis destacados investigadores e guionistas de videoxogos e outras creacións interactivas.

Tal e como explican no blog do simposio, “os xogos teñen o poder de transformar o xeito en que contamos historias. Porque son sistemas interactivos, os xogos poden contar historias a través do deseño de intelixencia artificial, ou a través de múltiples plataformas, ou de maneira procedural, abrindo novas tecnoloxías para que os autores poidan converter as súas historias en experiencias totalmente novas.

No simposio afondaremos nas distintas tecnoloxías e deseños de xogos que permitn novas formas de crear e transmitir narrativas. Para iso xuntamos as persoas que máis saben do mundo deste tema, tando desde a esfera académica como da industria dos videoxogos, os que están levando cada día os límites da narrativa interactiva un pouco máis alá. Entre eles, Warren Spector, Susan Bonds (cofundadora de 42 Entertainment, detrás de proxectos transmedia recoñecidos internacionalmente coma Why So Serious?, Year Zero ou The Human Preservation Project), Kevin Bruner, Stéphane Bura, Clint Hocking, Asa Kalama (Disney), Richard Rouse, Tawny Schlieski  (Intel Labs) ou Emily Short.Organiza o Center for Games and Playable Media da UC Santa Cruz.