Arquivos da etiqueta: Universidade

O texto literario na era dixital. Xornadas formativas na Universidade da Coruña.

Expertos humanistas (escritores, profesores de literatura, profesores de didáctica, tradutores, etc.) participarán no curso “O texto literario na era dixital: creación, difusión e didáctica”, que se celebrará na Facultade de Filoloxía da Universidade da Coruña os días 20 e 21 (de 16 a 21 h.) e 22 de outubro (de 10 a 14 h.) e que pretende analizar os cambios producidos nos últimos anos, coa irrupción das tecnoloxías da información, na forma de ler, escribir, ensinar, traducir ou interpretar os textos literarios.

Seguir lendo O texto literario na era dixital. Xornadas formativas na Universidade da Coruña.

Transmedia Literacy: seminario en Barcelona

O seminario Transmedia Literacy. From Storytelling to Intercreativity in the Era of Distributed Authorship, que organiza o programa de investigación en cultura dixital da IN3 – Universitat Oberta de Cataluya, celebrarase en Barcelona o vindeiro 10 de decembro. A chamada para presentar propostas de comunicación está aberta e o prazo remata este venres 15  ás 23h.

Entre os temas que a xornada quere abordar de xeito preferente están os novos conceptos de autoría, os modelos e procesos narrativos do chamado “transmedia storyelling”, as teorías da ficción e da representación, as teorías da recepción no tocante aos estudos de medios e de xénero, a retórica e a estética da información, a cultura participatoria e fan, o crowdfunding e o crowdsourcing na produción transmedia, ou a escrita e a semiótica dos novos medios. Serán especialmente benvidas as achegas interdisciplinares.

Os conferenciantes confirmados neste momento son Derrick de Kerckhove (IN3 — Universitat Oberta de Catalunya, Spain) coa ponencia “Connective Intelligence from Writing to the Web”, Asun López-Varela (Harvard University, USA), que falará de “Spatio-temporal Metamorphosis and the Ecologies of Representation: From Analogue to Digital Formats”, Raine Koskimaa (University of Jyväskylä, Finland) con “Playing with Time in New Media Fiction” e Carlos Scolari (Pompeu Fabra University, Spain) coa conferencia “Towards an Archeology of Transmedia Storytelling”.

As propostas de comunicación remitiranse en inglés co formato suxerido na web do seminario. As que sexan admitidas poderán transformarse en artigos para o vindeiro número do International Journal of Transmedia Literacy.

 

Volve o congreso i-Docs sobre narrativas interactivas de non ficción

i-docs_CFPTras xuntar con grande éxito investigadores e creadores de todo o mundo nas súas edicións de 2011 e 2012, e despois dun pequeno parón este ano, volve en 2014 o congreso i-Docs na cidade de Bristol (Reino Unido).  O Digital Cultures Research Centre acolle este encontro, que se celebrará os días 20 e 21 de marzo do ano que vén.

A chamada á participación e envío de propostas está aberta ata o 15 de novembro. Os temas sobre os que esta edición de i-Docs quere poñer o foco son tres: modelos de produción, involucración do usuario e avaliación, novos territorios. Todo indica que o mundo dos documentais interactivos loita por abrir novos camiños e non estancarse nos formatos e producións que xa coñecemos, a maioría procedentes de Francia ou Canadá, e que máis que cuestións puramente narrativa este ano preocupan como producir documentais interactivos e tamén como medilos, como avaliar a resposta dos usuarios.

Reproducimos aquí as principais cuestións que se apuntan para o debate:

Production Models
»» When the subjects are the story: from “access media” to participatory design
»» The emergence of the Hackathon: storytelling as software
»» The art and ethics of crowd-funding: working with a financing community
»» Documentary meets user experience: translating languages, know-hows and methodologies
»» Broadcasting, digital publishing, community support: where is the money in i-docs?

Engagement and Evaluation
»» “Formerly known as the audience”: users, interactants, participants – what’s in a name?
»» User testing: what should be tested, when, how and by whom?
»» Reception studies and data science: what are the methodologies for researching i-docs?
»» “First select your twitter handle”: the role of the creator in the age of social networks
»» What does the audience for an i-doc want: who knows (and who cares)?

New Territories
»» i-docs beyond the screen: performativity and presence
»» “The Snowfall effect”: is scrolling navigation a paradigm shift?
»» Tactile, haptic, horizontal: the influence of the iPad on i-docs aesthetics
»» Between documentary, journalism and art: crossovers & blurring boundaries
»» NGO, activist, human rights i-docs: advocacy, capacity building, mobilisation
»» i-docs geographical spread: models beyond the Western world

 

 

Recepción de propostas para o congreso ‘The Digital Subject’ en París

lesujetdigital“Como é a escrita revisitada polos medios dixitais?  De que xeitos a mudanza dixital lles afecta ás tres dimensións da escritura: a produción dun artefacto, a construción de significado e a aparición do suxeito?”   O simposio The Digital Subject, que se celebrará a Universidade de París-8 do 18 ao 21 do próximo novembro, trata de investigar este novo eido de investigación desde varios puntos de vista, como a filosofía, as artes, a neurociencia e o arquivo, e chama á participación de investigadores nestes campos co envío de propostas antes do 15 de setembro.

O simposio forma parte dun proxecto de longa duración chamado The digital subjet / Le sujet digital que trata de reflexionar sobre as transformacións da subxectividade que xurdiron das tecnoloxías dixitales despois da posguerra, e que explora as maneiras nas que as ferramentas dixitais, de realidade ou ficción, que van de Babbage á internet, teñen alterado a nosa concepción do suxeito e das súas representacións, afectando ao seu status e aos seus atributos.

As linguas de traballo admitidas seán o francés e o inglés. As propostas poden ser enviadas en calquera destas dúas linguas e non deben exceder os 3000 caracteres. Cómpre adxuntar unha nota bio-bibliográfica resumida. Os abstracts débense mandar usando o formulario de  EasyChair. Para máis información hai un correo electrónico,  scriptions@univ-paris8.fr.  O 1 de outubro o comité científico informará das propostas admitidas.

O A conferencia inaugural será a cargo de Mark Amerika. Outros ponentes convidadeos son Jean-Luc Nancy, Bertrand Gervais (UQAM, Montréal), Wendy Chun (Brown University) e Laurent Cohen (Salpêtrière INSERM). O cadro de organización do congreso está formado por Pierre Cassou-Noguès (Department of philosophy, LLCP, SPHERE, EA 4008), Claire Larsonneur (Department of anglophone studies, Le Texte Étranger, EA1569) w Arnaud Regnauld (Department of anglophone studies, CRLC – Research Center on Literature and Cognition, EA1569).

TKB: Ferramentas e base de coñecemento para as artes performativas dixitais

tkb3No Centro de Lingüística da Universidade Nova de Lisboa naceu o proxecto TKB (A Transmedia Knowledge-Base for Performing Arts), que se declara “nos intersticios entre a lingüística e os estudos de artes performativas” e que ten como obxectivo construír unha base de coñecemento aberta e multimodal para documentar e apoiar a creación de pezas de danza contemporánea. O proxecto comezou no 2009 e neste 2013 chega á súa fin.

Nel colaboran a Faculdade de Ciências e Tecnologia da Universidade Nova de Lisboa (Interactive Multimedia Group), o  Centro Coreográfico O Espaço do Tempo: Montemor-o-Novo e a  AHK: Amsterdam Hogeschool voor de Kunsten da Universidade de Amsterdam.

Os principais resultados que se acadaron neste proxecto foron un software para a creación de danza contemporánea e unha base web para agrupar o coñecemento xerado en torno á esta disciplina e as súas relacións cos medios dixitais.

O software chámase polo de agora Creation Tool e trátase dun anotador de vídeo que serve para axudar no proceso creativo dos coreógrafos e funciona como un caderno dixital onde se poden facer anotacións en tempo real sobre un vídeo de danza. O desenvolvemento desta ferramenta seguiu un proceso de deseño iterativo no que participaron dous coreógrafos e que foi testado con bailaríns internacionais durante unha residencia-taller de danza contemporánea. O software pódese descargar na web do proxecto, canda un manual e diversas ilustracións e exemplos de uso.

A Knowledge-Base  lanzarase durante este ano e foi concebida como un recurso aberto e dinámico que funcionará como unha plataforma de relacións para todos os creadores, artistas e investigadores das artes performativas que queiran compartir os seus procesos creativos, métodos de traballo ou pezas rematadas.

Outra das actividades que realizou este ano o proxecto TKB foi o congreso internacional Multimodal Communication: Language, Performance and Digital Media, que se no mes de maio en Lisboa, en no que se presentaron os recursos mencionados. Podemos ler unha completa crónica na revista Digicult, e tamén este vídeo no que se resumen as principais ponencias do congreso.

A Asociación de Humanidades Digitales Hispánicas celebrou o seu primeiro congreso na Coruña

cartelHDH2013A Universidade da Coruña acolleu do 9 ao 12 de xullo o I Congreso da asociación HDH:  Humanidades Digitales Hispánicas. Sociedad Internacional, recentemente constituída. Baixo o título Humanidades Digitales: desafíos, logros y perspectivas de futuro, o congreso deu a oportunidade de coñecer e darlles visibilidade aos proxectos sobre Humanidades Dixitais que se desenvolven en España, establecer relacións entre os investigadores e outros interesados neste eido de coñecemento.

As áreas temáticas que quixo explorar a HDH nesta convocatoria van desde a edición dixital ata a preservación de textos en bibliotecas e arquivos dixitais, as aplicacións informáticas e o software deseñado para as humanidades dixitais, a minaría de datos, a web semántica, as ferramentas dos novos medios, as redes sociais ou o papel das HD na docencia e no currículo académico.

As ponencias plenarias correron a cargo de José Luis Canet Vallés, catedrático de Literatura Española na Universitat de Valencia, que abriu cunhas “Reflexiones sobre las Humanidades Digitales”; o profesor da Monash University John Griffiths (“Música, informática, y la vihuela en el siglo XXI”), o catedrático da Universidad de Alcalá Pedro Sánchez-Prieto Borja (“Hacia un nuevo humanismo (digital): edición de textos, lectura y educación”), o profesor Paul Spence do departamento de Digital Humanities do King’s College de Londres (“Centros y fronteras: el panorama internacional de las humanidades digitales”), e Xavier Agenjo Bullón, director de proxectos da Fundación Ignacio Larramendi, coa ponencia “La digitalización de los materiales bibliográficos y las herramientas del humanismo digital: estado de la cuestión y perspectivas de futuro”.

A totalidade do programa do congreso, que incluíu diversos talleres prácticos sobre posibilidades do entorno dixital nas humanidades, pódese ver na web do congreso.

A asociación Humanidades Digitales Hispánicas, presidida pola catedrática da Universidade da Coruña Sagrario López Poza, continuará a súa actividade despois de verán, que se pode seguír a través da súa web.

Número 5 da Revista Cibertextualidades: ‘Electronic Publishing Models for Experimental Literature’

cibertextualidades_vol5A revista Cibertextualidades, editada pola Universidade Fernando Pessoa do Porto (Portugal) e dirixida polo profesor Rui Torres, vén de publicar o seu número 5, correspondente a 2013, baixo o título Electronic Publishing Models for Experimental Literature. O propio Rui Torres e mais Manuel Portela son os coordenadorse deste número, que afronta os problemas da representación, arquivo e publicación das formas literarias experimentais nos espazos dixitais. Inclúe comunicacións escritas en portugués, francés e inglés sobre procesos e métodos para a representacón, preservación e difusión das prácticas literarias intermediais e multimediais usando sistemas de arquivos dixitais.

No epígrafe “Visuality and Intermediality in Experimental Literature” atopamos un artigo de Jorge dos Reis titulado Critérios fundadores da poesia tipográfica e outro de Eduardo Paz Barroso co título Palavra e pintura em trocas de papéis. Concretismo, experimentalismo e artes plásticas em Portugal. No apartado sobre “Combination and Generativity in Cyberliterature” temos tres comunicacións: Vers une ontologie du domaine de la poésie numérique, de Philippe Bootz & Samuel Szoniecky, A Literatura Factorial [l!] de  Álvaro Seiça, e Barroquismos Digitais de Otávio Guimarães Tavares. O epígrafe máis extenso titúlase “Digital Archives and Electronic Publishing Models” e nel escriben Johanna Drucker (Modelando a funcionalidade: do códice ao livro electrónico), Philippe Bootz, Samuel Szoniecky e Abderrahim Bargaoui (Entité / identité. Un outil d’indexation des documents relatifs à la poésie numérique), Serge Bouchardon e Bruno Bachimont (Preservation of digital literature: from stored to reinvented memory), Isabel Pinto ((Un)Certain Editing) e Isabel Lourenço (Da Imaginação à concretização: representação e leitura em The William Blake Archive). No capítulo de Teses aparece o artigo Conhecimento científico em hipermídia: uma proposta de análise metodológica, de Érica Masiero Nering, e no apartado de proxectos Scott Rettberg presenta a ELMCIP Electronic Literature Knowledge Base.

A revista enteira está dispoñible para a súa descarga en pdf, a través desta páxina, onde tamén se poden ler os resumos de cada un dos artigos publicados.

Ao mesmo tempo, o sexto número de Cibertextualidades xa se está preparando e ten aberta a convocatoria para enviar artigos ata o día 31 de xullo de 2013. Os coordinadores son Rui Torres e Débora Santos e Silva, e o tema xeral é a Interacção de linguagens e convergência dos média nas poéticas contemporâneas.